ប្រទេសនៅមជ្ឈិមបូព៌ាបានក្លាយជាការពិភាក្សានៃទីផ្សារដោះដូរកីឡាករ បន្ទាប់ពីទាក់ទាញកីឡាករធំៗបំផុតមួយចំនួននៅក្នុងកីឡាបាល់ទាត់រួមមាន Karim Benzema និង N’Golo Kante។
ទន្ទឹមនឹងនេះដែរកីឡាករ Liverpool ទាំងពីរ Jordan Henderson និង Fabinho មានពាក្យចចាមអារ៉ាមអំពីការផ្លាស់ទៅ Saudi Pro League ដោយ Henderson ត្រូវបានគេរាយការណ៍ថាយល់ព្រមលក្ខណ្ឌផ្ទាល់មាត់ជាមួយក្លឹប Al Ettifaq របស់ Steven Gerrard។
ចាប់តាំងពីពេលនោះមក Son បានបង្ហើបថាគាត់ក៏ជាប្រធានបទនៃការចាប់អារម្មណ៍ពីក្លឹបនានាក្នុងប្រទេសអារ៉ាប៊ីសាអូឌីតផងដែរ ដោយបានបង្ហើបថា គាត់ត្រូវបានផ្តល់ជូនការដំឡើងប្រាក់ឈ្នួលដ៏ច្រើន។ ទោះជាយ៉ាងណាក៏ដោយកីឡាករវ័យ ៣១ឆ្នាំរូបនេះបានសម្រេចចិត្តប្រឆាំងនឹងការផ្ទេរ ដោយជឿ ថាគាត់មិនទាន់ចប់ភារកិច្ចនៅក្នុង Premier League ទេ។ Son បានលាន់មាត់ក្នុងសន្និសីទសារព័ត៌មានអំឡុងពេលដំណើរទេសចរណ៍មុនរដូវកាលរបស់ Tottenham នៅប្រទេសអូស្ត្រាលីថា៖
“បើខ្ញុំចង់ទៅទីនោះ ខ្ញុំមិននៅទីនេះទេ! ខ្ញុំចូលចិត្តលេងបាល់ទាត់។ ជាក់ស្តែងលុយក៏សំខាន់ដែរ ប៉ុន្តែខ្ញុំសុបិនចង់លេងនៅ Premier League”។
លោកបានបន្ថែមថា៖
“មនុស្សភាគច្រើននឹងទៅប្រទេសអារ៉ាប៊ីសាអូឌីតនៅពេលនេះ ដែលពិតជាគួរឱ្យចាប់អារម្មណ៍ ប៉ុន្តែ Premier League នៅតែជាសុបិន សម្រាប់ខ្ញុំក្នុងការលេង ដូច្នេះខ្ញុំកំពុងទន្ទឹងរង់ចាំរដូវកាលនេះ”៕