ផ្លាស់ប្ដូរ​ជីវភាព​មួយរំពេច បើ Henderson ដាក់​ចិត្ត​ព្រម​ទម្លាក់​ចុង​ប៊ិច​ស៊ីញ៉េ​ឲ្យ​ក្លឹប Al-Ettifaq

ពី​ដើម​ឡើយ​ល្បាក់​វ័យ​កៀក​ចូល​និវត្ត កីឡាករ​រមែង​គិត​ដល់​ឱកាស​ស្រវា​លុយ​ធំ​នៅ​ដី​ប្រទេស​ចិន ដល់​តែ​ឥឡូវ​ប្រែ​ហើយ ម្នាក់ៗ​មើល​ឃើញ​តែ​លីគ​អារ៉ាប៊ីសាអូឌីត និង​លីគ​អាមេរិក​ជា​ជម្រើស​អាទិភាព​តែ​ប៉ុណ្ណោះ។ នៅ​ទី​នោះ​កំពុង​ចាប់ផ្តើម​ដាក់​ទុន​ធំ អភិវឌ្ឍ​បាល់ទាត់​ក្រោម​កញ្ចប់​លុយ​ពាន់​លាន ជា​ពិសេស Saudi Pro League តែង​មាន​ដំណឹង​ផ្សារភ្ជាប់​ជាមួយ​កីឡាករ​កំពូល​ជា​បន្តបន្ទាប់។

ចុងក្រោយ​នេះ ងាក​មក​ចចាមអារ៉ាម​រវាង​ភាគី​ក្លឹប​ឈរ​លេខ ៧ រដូវ​កាល​ចាស់ និង​ទើប​យក​បាន​អ្នកចាត់ការ​ថ្មី​លោក Steven Gerrard បាន​ដាក់​សំណើ​ជូន​ទៅ​កាន់​ប្រធាន​ក្រុម​ហង្ស​ក្រហម Liverpool គឺ Jordan Henderson អំពី​ការ​ចង់​នាំ​យក​មក​ចូលរួម នៅ​ទីផ្សារ​ដោះដូរ​រដូវ​ក្តៅ​កំពុង​បើក​ទ្វារ។

ស្ថិត​នៅ​វ័យ ៣៣ ឆ្នាំ​ទៅ​ហើយ ឱកាស​ឈរ​ជើង​នៅ Anfield ក៏​ធ្លាក់​ចុះ​ទៅ​តាម​នោះ​ដែរ ជា​ពិសេស​បន្ទាប់​ក្លឹប​ដឹកនាំ​ដោយ​លោក Jurgen Klopp យក​បាន​ចំណូល​ថ្មី Alexis Mac Allister និង Dominik Szoboszlai ​មក​កែ​ឈុតបម្រើ ​ត្រៀម​ចូល​រដូវ​កាល ២០២៣/២៤។

តាម​កាសែត Daily Mail ចុះ​ផ្សាយ ពេល​នេះ Henderson កំពុង​ស្ថិត​ក្នុង​ការ​សម្រេច​ចិត្ត ចន្លោះ ១២ ទៅ ២៤ ម៉ោង​ខាង​មុខ ដើម្បី​ឆ្លើយតប​ត្រលប់​មក​ភាគី​ក្លឹប​អាណាព្យាបាល និង​ភាគី​ក្លឹប​ចង់​បាន​វិញ ថា​ព្រម​បន្ត​នៅ Anfield ត​ទៅ​ទៀត ជាមួយ​សុពលភាព​កុងត្រា​សេសសល់​ដល់​ចុង​ខែ​មិថុនា ឆ្នាំ ២០២៥ ឬ​ក៏​ព្រម​ស៊ីញ៉េ​កុងត្រា​ផ្ទេរ​ទៅ​ក្លឹប​ថ្មី នៅ​មជ្ឈិមបូព៌ា។

​អំពី​សំណើ​ផ្តល់​ជូន គឺ​ក្រាស់ក្រែល​ឥត​ឧបមា នេះ Al-Ettifaq សន្យា​ផ្តល់​ជូន​ប្រាក់​ឈ្នួល ៧០០ ០០០ ផោន/សប្តាហ៍ វា​ជា​តួ​លេខ​ខ្ពស់​ជាង​ប្រាក់​ទទួល​បាន​បច្ចុប្បន្ន​ពី​ក្លឹប​ស្ថិត​ក្នុង​ទីក្រុង Merseyside ទទួល​បាន​ត្រឹម ១៩០ ០០០ ផោន/សប្តាហ៍ អ៊ីចឹង​រាប់​ថា​ខុស​គ្នា​ចូល ៣ ទៅ ៤ ដង​ឯ​ណោះ។

ល្បាក់​អាយុ​កៀក​ចូល​និវត្ត​ទៅ​ហើយ បើ​គិតគូរ​អនាគត​វែងឆ្ងាយ​ទៅ​មុខ ការ​ក្រសោប​យក​លុយ​ធំ​ប្រាកដ​ជា​ជម្រើស​ល្អ ដ្បិត​អី​ជាមួយ Liverpool នៅ​រដូវ​កាល​បន្ត​ទៅ​មុខ ​ក៏​ធ្លាក់​ចេញ​ពី​ពាន​អឺរ៉ុប Champions League គួប​ផ្សំ​ភាព​មិន​ប្រាកដប្រជា​នូវ​ឱកាស​បង្ហាញ​ខ្លួន​លើ​ទីលាន​ផង។ គួរ​ឲ្យ​ដឹង​ដែរ​ថា អតីត​សមាជិក​ក្លឹប Sunderland ខាង​លើ បាន​មក​ចូលរួម​ជាមួយ​ហង្ស តាំង​រដូវ​ក្តៅ ឆ្នាំ ២០១១ រាប់​ចូល​ហួស​មួយ​ទសវត្ស​ទៅ​ទៀត ក៏​ហៅ​បាន​ជា​កីឡាករ​ឈរ​ជើង​យូរ​បំផុត​ហើយ។

សារ​ថយ​ក្រោយ​បន្តិច Henderson និង Gerrard ដែល​អាច​ជា​អនាគត​គ្រូ​បង្វឹក​របស់​គេ​នោះ កន្លង​មក​ក៏​ធ្លាប់​ចាប់​ដៃ​គ្នា​រួម​ទីលាន​ Anfield ចន្លោះ​ឆ្នាំ ២០១១ ដល់ ២០១៥ ផង​ដែរ មុន​ផ្ទេរ​ទៅ​ចូល​និវត្ត​នៅ​ក្លឹប Los Angeles FC។ ពេល​នោះ​ហើយ​ដែល Henderson ចាប់​ទទួល​បាន​តំណែង​ជា​ប្រធាន​ក្រុម បន្ត​ពី​ Gerrard ហើយ​ក៏​ជា​ចំណែក​ជួយ​ក្លឹប​ឈោង​បាន​ពាន​រង្វាន់ Premier League ក្រោយ​ខកខាន ៣០ ឆ្នាំ។

ងាក​ទៅ​ក្លឹប​គោលដៅ Al-Ettifaq ឯ​ណោះ​វិញ ពួក​គេ​ឈរ​នៅ​លីគ​កំពូល ៧ ឆ្នាំ​មក​ហើយ ខណៈ​ស្ថានភាព​ចុងក្រោយ មិន​ទាន់​យក​បាន​នរណា​ជា​ដុំកំភួន​ដូច Al-Ahly, Al-Ittihad និង Al-Nassr នោះ​ទេ ពោល​ត្រឹម​បាន​អ្នកចាត់ការ​មួយ​រូប​ប៉ុណ្ណោះ។ ក៏​ប៉ុន្តែ​តាម​ព័ត៌មាន​ល្ហិចល្ហៀង Gerrard ក៏​បាន​ដាក់​គោលដៅ​ទៅ​លើ Wilfried Zaha, Pierre-Emerick Aubameyang, Philippe Coutinho, Alvaro Morata និង Sadio Mane ជា​ដើម៕

ប្រភព៖ បរទេស

  • ផ្លាស់ប្ដូរ​ជីវភាព​មួយរំពេច បើ Henderson ដាក់​ចិត្ត​ព្រម​ទម្លាក់​ចុង​ប៊ិច​ស៊ីញ៉េ​ឲ្យ​ក្លឹប Al-Ettifaq

    ពី​ដើម​ឡើយ​ល្បាក់​វ័យ​កៀក​ចូល​និវត្ត កីឡាករ​រមែង​គិត​ដល់​ឱកាស​ស្រវា​លុយ​ធំ​នៅ​ដី​ប្រទេស​ចិន ដល់​តែ​ឥឡូវ​ប្រែ​ហើយ ម្នាក់ៗ​មើល​ឃើញ​តែ​លីគ​អារ៉ាប៊ីសាអូឌីត និង​លីគ​អាមេរិក​ជា​ជម្រើស​អាទិភាព​តែ​ប៉ុណ្ណោះ។ នៅ​ទី​នោះ​កំពុង​ចាប់ផ្តើម​ដាក់​ទុន​ធំ អភិវឌ្ឍ​បាល់ទាត់​ក្រោម​កញ្ចប់​លុយ​ពាន់​លាន ជា​ពិសេស Saudi Pro League តែង​មាន​ដំណឹង​ផ្សារភ្ជាប់​ជាមួយ​កីឡាករ​កំពូល​ជា​បន្តបន្ទាប់។

    ចុងក្រោយ​នេះ ងាក​មក​ចចាមអារ៉ាម​រវាង​ភាគី​ក្លឹប​ឈរ​លេខ ៧ រដូវ​កាល​ចាស់ និង​ទើប​យក​បាន​អ្នកចាត់ការ​ថ្មី​លោក Steven Gerrard បាន​ដាក់​សំណើ​ជូន​ទៅ​កាន់​ប្រធាន​ក្រុម​ហង្ស​ក្រហម Liverpool គឺ Jordan Henderson អំពី​ការ​ចង់​នាំ​យក​មក​ចូលរួម នៅ​ទីផ្សារ​ដោះដូរ​រដូវ​ក្តៅ​កំពុង​បើក​ទ្វារ។

    ស្ថិត​នៅ​វ័យ ៣៣ ឆ្នាំ​ទៅ​ហើយ ឱកាស​ឈរ​ជើង​នៅ Anfield ក៏​ធ្លាក់​ចុះ​ទៅ​តាម​នោះ​ដែរ ជា​ពិសេស​បន្ទាប់​ក្លឹប​ដឹកនាំ​ដោយ​លោក Jurgen Klopp យក​បាន​ចំណូល​ថ្មី Alexis Mac Allister និង Dominik Szoboszlai ​មក​កែ​ឈុតបម្រើ ​ត្រៀម​ចូល​រដូវ​កាល ២០២៣/២៤។

    តាម​កាសែត Daily Mail ចុះ​ផ្សាយ ពេល​នេះ Henderson កំពុង​ស្ថិត​ក្នុង​ការ​សម្រេច​ចិត្ត ចន្លោះ ១២ ទៅ ២៤ ម៉ោង​ខាង​មុខ ដើម្បី​ឆ្លើយតប​ត្រលប់​មក​ភាគី​ក្លឹប​អាណាព្យាបាល និង​ភាគី​ក្លឹប​ចង់​បាន​វិញ ថា​ព្រម​បន្ត​នៅ Anfield ត​ទៅ​ទៀត ជាមួយ​សុពលភាព​កុងត្រា​សេសសល់​ដល់​ចុង​ខែ​មិថុនា ឆ្នាំ ២០២៥ ឬ​ក៏​ព្រម​ស៊ីញ៉េ​កុងត្រា​ផ្ទេរ​ទៅ​ក្លឹប​ថ្មី នៅ​មជ្ឈិមបូព៌ា។

    ​អំពី​សំណើ​ផ្តល់​ជូន គឺ​ក្រាស់ក្រែល​ឥត​ឧបមា នេះ Al-Ettifaq សន្យា​ផ្តល់​ជូន​ប្រាក់​ឈ្នួល ៧០០ ០០០ ផោន/សប្តាហ៍ វា​ជា​តួ​លេខ​ខ្ពស់​ជាង​ប្រាក់​ទទួល​បាន​បច្ចុប្បន្ន​ពី​ក្លឹប​ស្ថិត​ក្នុង​ទីក្រុង Merseyside ទទួល​បាន​ត្រឹម ១៩០ ០០០ ផោន/សប្តាហ៍ អ៊ីចឹង​រាប់​ថា​ខុស​គ្នា​ចូល ៣ ទៅ ៤ ដង​ឯ​ណោះ។

    ល្បាក់​អាយុ​កៀក​ចូល​និវត្ត​ទៅ​ហើយ បើ​គិតគូរ​អនាគត​វែងឆ្ងាយ​ទៅ​មុខ ការ​ក្រសោប​យក​លុយ​ធំ​ប្រាកដ​ជា​ជម្រើស​ល្អ ដ្បិត​អី​ជាមួយ Liverpool នៅ​រដូវ​កាល​បន្ត​ទៅ​មុខ ​ក៏​ធ្លាក់​ចេញ​ពី​ពាន​អឺរ៉ុប Champions League គួប​ផ្សំ​ភាព​មិន​ប្រាកដប្រជា​នូវ​ឱកាស​បង្ហាញ​ខ្លួន​លើ​ទីលាន​ផង។ គួរ​ឲ្យ​ដឹង​ដែរ​ថា អតីត​សមាជិក​ក្លឹប Sunderland ខាង​លើ បាន​មក​ចូលរួម​ជាមួយ​ហង្ស តាំង​រដូវ​ក្តៅ ឆ្នាំ ២០១១ រាប់​ចូល​ហួស​មួយ​ទសវត្ស​ទៅ​ទៀត ក៏​ហៅ​បាន​ជា​កីឡាករ​ឈរ​ជើង​យូរ​បំផុត​ហើយ។

    សារ​ថយ​ក្រោយ​បន្តិច Henderson និង Gerrard ដែល​អាច​ជា​អនាគត​គ្រូ​បង្វឹក​របស់​គេ​នោះ កន្លង​មក​ក៏​ធ្លាប់​ចាប់​ដៃ​គ្នា​រួម​ទីលាន​ Anfield ចន្លោះ​ឆ្នាំ ២០១១ ដល់ ២០១៥ ផង​ដែរ មុន​ផ្ទេរ​ទៅ​ចូល​និវត្ត​នៅ​ក្លឹប Los Angeles FC។ ពេល​នោះ​ហើយ​ដែល Henderson ចាប់​ទទួល​បាន​តំណែង​ជា​ប្រធាន​ក្រុម បន្ត​ពី​ Gerrard ហើយ​ក៏​ជា​ចំណែក​ជួយ​ក្លឹប​ឈោង​បាន​ពាន​រង្វាន់ Premier League ក្រោយ​ខកខាន ៣០ ឆ្នាំ។

    ងាក​ទៅ​ក្លឹប​គោលដៅ Al-Ettifaq ឯ​ណោះ​វិញ ពួក​គេ​ឈរ​នៅ​លីគ​កំពូល ៧ ឆ្នាំ​មក​ហើយ ខណៈ​ស្ថានភាព​ចុងក្រោយ មិន​ទាន់​យក​បាន​នរណា​ជា​ដុំកំភួន​ដូច Al-Ahly, Al-Ittihad និង Al-Nassr នោះ​ទេ ពោល​ត្រឹម​បាន​អ្នកចាត់ការ​មួយ​រូប​ប៉ុណ្ណោះ។ ក៏​ប៉ុន្តែ​តាម​ព័ត៌មាន​ល្ហិចល្ហៀង Gerrard ក៏​បាន​ដាក់​គោលដៅ​ទៅ​លើ Wilfried Zaha, Pierre-Emerick Aubameyang, Philippe Coutinho, Alvaro Morata និង Sadio Mane ជា​ដើម៕

    ប្រភព៖ បរទេស