Chhetri គឺជាកីឡាករបាល់ទាត់អាជីពរបស់ឥណ្ឌាដែលប្រកបអាជីពនៅក្រុម Bengaluru របស់ Indian Super League និងជាប្រធានក្រុមជម្រើសជាតិឥណ្ឌា។ គាត់មានភាពល្បីល្បាញដោយសារការគំរាមកំហែងរបស់គាត់នៅចំពោះមុខគ្រាប់បាល់ ភាពជាអ្នកដឹកនាំ និងត្រូវបានគេចាត់ទុកថាជាកីឡាករបាល់ទាត់ល្អបំផុតក្នុងប្រវត្តិសាស្ត្ររបស់ប្រទេសឥណ្ឌា។
ថ្មីៗនេះកីឡាករវ័យ ៣៨ឆ្នាំរូបនេះបានដឹកនាំប្រទេសឥណ្ឌាទៅកាន់ការប្រកួត SAFF Championship លើកទី៩ របស់ពួកគេ ដោយបានជួយយកឈ្នះគុយវ៉ែតក្នុងវគ្គផ្តាច់ព្រ័ត្រ។ ការប្រកួតបានបញ្ចប់ក្នុងលទ្ធផល ១-១ ហើយក្រុមឥណ្ឌាបានយកឈ្នះការប្រកួតក្នុងលទ្ធផល ៥-៤ ក្នុងការស៊ុតបាល់ប៉េណាល់ទីកាត់សេចក្តី។
Sunil Chhetri មានការប្រកួតដ៏រីកចម្រើនដោយបញ្ចប់ក្នុងនាមជាអ្នកស៊ុតបញ្ចូលទីបានច្រើនជាងគេដោយស៊ុតបញ្ចូលទីបានប្រាំគ្រាប់។ នេះរួមបញ្ចូលទាំងការស៊ុតបញ្ចូលទីលើប៉ាគីស្ថានក្នុងការប្រកួតវគ្គចែកពូលរបស់ពួកគេ។ នេះមានន័យថាចំនួនគ្រាប់បាល់ស៊ុតបញ្ចូលទីរបស់គាត់បានកើនឡើងដល់ ៩២គ្រាប់ពីការបង្ហាញខ្លួនត្រឹមតែ ១៤២ដង ដែលជាចំនួនច្រើនបំផុតក្នុងប្រវត្តិសាស្ត្រឥណ្ឌា។
តារាឆ្នើម Bengaluru ពេលនេះបានឈ្នះពានរង្វាន់ធំៗចំនួន ១១ដង សម្រាប់ប្រទេសរបស់គាត់។ គាត់បានសង្កត់ធ្ងន់លើការយកចិត្តទុកដាក់របស់គាត់លើការឈ្នះពានរង្វាន់ជាជាងភាពរុងរឿងលក្ខណៈបុគ្គលនៅក្នុងបទសម្ភាសន៍ជាមួយ News18 ដោយនិយាយថា៖
“នៅពេលនិយាយអំពីការលះបង់អស់ពីសមត្ថភាពរបស់អ្នកសម្រាប់ប្រទេស ខ្ញុំអាចយកឈ្នះសូម្បីតែ Messi និង Ronaldo”៕