ខ្សែបម្រើ Christian Pulisic អាចនឹងផ្លាស់ទៅលេងនៅ Chelsea នាខែមករាខាងមុខនេះ បន្ទាប់ពីរូបគេបានបដិសេធកុងត្រាថ្មីជាមួយក្លឹប Dortmund ។
កីឡាករអាមេរិក ដែលបានចូលលេងឱ្យជម្រើសជាតិរបស់ខ្លួនទល់ក្រុមអង់គ្លេសម្សិលមិញនេះ នឹងអស់កុងត្រាជាមួយក្រុម Dortmund នៅឆ្នាំ២០២០ខាងមុខនេះហើយ។ ក្លឹបនៅអាល្លឺម៉ង់បានព្យាយាមបញ្ចុះបញ្ចូលរូបគេ ដើម្បីឱ្យបន្ដកុងត្រាទៀត ប៉ុន្តែសាមីខ្លួនបដិសេធមិនព្រមទទួលយកកុងត្រានោះឡើយ។
ស្របពេលមិនបន្ដកុងត្រានេះដែរ ក្លឹប Chelsea ឯណោះ ក៏បានទាក់ទងមកកីឡាករវ័យ២០ឆ្នាំនេះដែរ។ ក្លឹបបានដាក់តម្លៃខ្លួនរូបគេដល់ទៅ៧០លានផោនឯណោះ ដើម្បីផ្ដាច់កុងត្រាដែលនៅសល់នេះ។ ហើយប្រសិនបើ Dortmund មិនអាចបន្ដកុងត្រាបាន នោះជម្រើសល្អបំផុតគឺលក់រូបគេចេញតែម្ដង៕ប្រភពDailyMail
