Chelsea ត្រូវបានគេរាយការណ៍ថាមានឆន្ទៈក្នុងការផ្តល់ជូនកីឡាករចំនួន ៤នាក់ទៅ Paris Saint-Germain បូករួមទាំងកិច្ចព្រមព្រៀងសាច់ប្រាក់សម្រាប់ ប្តូរយក Kylian Mbappe។ ពួកគេបានត្រៀមខ្លួនជាស្រេចក្នុងការផ្តល់ជូនចំនួន ១២០លានអឺរ៉ូ ដើម្បីទាក់ទាញកីឡាករសញ្ជាតិបារាំងរូបនេះមកកាន់កីឡដ្ឋាន Stamford Bridge។
យោងតាមរបាយការណ៍របស់ El Nacional, Raheem Sterling, Marc Cucurella, Cesar Azpilicueta និង Romelu Lukaku អាចត្រូវបានផ្តល់ជូន PSG រួមជាមួយប្រាក់ ១២០លានអឺរ៉ូជាថ្នូរដោះដូរជាមួយ Mbappe។
ក្រុមតោខៀវកំពុងស្វែងរកការពង្រឹងក្រុមរបស់ពួកគេ ហើយកំពុងស្វែងរកខ្សែប្រយុទ្ធម្នាក់នៅរដូវក្តៅនេះ។ ពួកគេបានត្រៀមខ្លួនជាស្រេចក្នុងការប្រជែងធំមួយសម្រាប់ Mbappe ដែលធ្លាប់មានការសាកល្បងនៅក្លឹបកាលពីក្មេង។
ទោះជាយ៉ាងណាក៏ដោយ ក្រុមតោខៀវមិនអាចទទួលបានកិច្ចព្រមព្រៀងជាមួយខ្សែប្រយុទ្ធរូបនេះទេ ដោយសារម្តាយរបស់គាត់មិនចង់ឱ្យគាត់ផ្តល់ការ សាកល្បងមួយផ្សេងទៀតនៅ Chelsea នោះទេ៕