ខ្សែបម្រើស្លាបរបស់ក្លឹប Arsenal កីឡាករ Bukayo Saka បានបង្ហាញនូវសាមគ្គីភាពរបស់ខ្លួនម្តងទៀតតាមរយៈការជួយជនរងគ្រោះ ដោយគ្រោះរញ្ជួយដី នៅប្រទេសទួរគី។ កីឡាករវ័យ 21 ឆ្នាំដែលទើបបន្តកុងត្រាជាមួយក្រុមកាំភ្លើងធំបានផ្តល់មូលនិធិកន្លែងស្នាក់នៅដល់ 26 គ្រួសារដែលរងគ្រោះដោយគ្រោះមហន្តរាយកាលពីខែកុម្ភៈឆ្នាំមុន។
កាលពីបួនខែមុន ប្រទេសទួរគីត្រូវបានបំផ្លិចបំផ្លាញដោយគ្រោះរញ្ជួយដីដ៏មហន្តរាយដែលបានសម្លាប់មនុស្សជាង 50.000 នាក់ ខណៈដែលមនុស្សជាង 2 លាននាក់ត្រូវបានទុកចោលគ្មានផ្ទះសម្បែងដោយសារការរញ្ជួយដីដែលបានបំផ្លិចបំផ្លាញប្រទេស។ ដើម្បីផ្តល់ដំបូលជ្រកដល់អ្នកដែលបានបាត់បង់ ផ្ទះនៅក្នុងគ្រោះធម្មជាតិរបស់ប្រទេសទួរគី Saka បានផ្តល់មូលនិធិដល់ជម្រកនៅ Hatay, Adiyaman, Kahramanmaras និង Malatya។ កីឡាករអន្តរជាតិ អង់គ្លេសរូបនេះបាននិយាយថា៖
“នៅពេលដែលខ្ញុំបានឃើញព័ត៌មានបំផ្លិចបំផ្លាញនៅលើប្រព័ន្ធផ្សព្វផ្សាយសង្គម និងទូរទស្សន៍ភ្លាមៗ ខ្ញុំដឹងថាខ្ញុំពិតជាចង់ជួយប្រជាជនដែលរងផលប៉ះពាល់ដោយសោកនាដកម្មនេះ”។
ដោយសហការជាមួយអង្គការសប្បុរសធម៌ BigShoe ដែលជាក្រុមដែល Saka បានចាប់ដៃគូជាមួយកាលពីឆ្នាំមុនមុនការប្រកួត World Cup ដើម្បីផ្តល់មូលនិធិដល់ការវះកាត់ផ្លាស់ប្តូរជីវិតចំនួន 120 សម្រាប់កុមារនីហ្សេរីយ៉ា កីឡាកររបស់ Arsenal រូបនេះក៏បានផ្តល់មូលនិធិ កន្លែងស្នាក់នៅ សម្រាប់ជនរងគ្រោះដោយការរញ្ជួយដីនៅក្នុងតំបន់ដែលរងផលប៉ះពាល់រួមមាន អន្តេវាសិកដ្ឋាន បន្ទប់ទទួលភ្ញៀវ។ ផ្ទះបាយ និងបន្ទប់ទឹក៕
*[Marca]