បន្ទាប់ពីការរំពឹងទុកយ៉ាងខ្លាំងជាច្រើនសប្តាហ៍ ក្លឹបបានបញ្ជាក់កាលពីដើមខែថា Messi នឹងចូលរួមជាមួយ Inter Miami នៅពេលដែលកិច្ចសន្យារបស់គាត់ជាមួយ Paris Saint Germain នឹងផុតកំណត់នៅចុងខែនេះ។
ឥឡូវនេះអ្នកគាំទ្របានរកឃើញការអត្ថាធិប្បាយចាស់មួយដែលបន្សល់ទុកដោយ Inter Miami អំពី Ronaldo។
ត្រលប់ទៅខែធ្នូ កំពូលតារាបាល់ទាត់អាមេរិក Tom Brady បានទៅលេងកីឡដ្ឋាន Old Trafford របស់ Manchester United ហើយក្លឹបបានបង្ហោះវីដេអូ Brady ជួប Ronaldo។
នៅលើវីដេអូ TikTok ក្លឹប MLS បានបន្សល់ទុកនូវខមិនមួយដែលដាក់រូប emoji រូបពពែពីរ ដែលមានន័យថា GOAT ទាំងពីរ។
អ្នកគាំទ្របានប្រតិកម្មយ៉ាងរហ័សលើបណ្ដាញសង្គម។
ម្នាក់បាននិយាយថា៖ “វាមិនទាន់យឺតពេលទេក្នុងការលុបខមិនពពែ GOAT ចេញណាក្លឹប Inter Miami!”
ម្នាក់ទៀតបានសរសេរថា៖ “សូម្បី Inter Miami ក៏ដឹងថា Cristiano Ronaldo ជា GOAT”។
អ្នកគាំទ្រទីបីបានបន្ថែមថា៖ “គ្មានផ្លូវដែល Inter Miami ហៅ Ronaldo ថាជា GOAT ឡើយ”។
អ្នកផ្សេងទៀតបានសរសេរថា៖ “មកឲ្យលឿន ឆាប់លុបខមិនចេញ មុនវាយឺតពេល”។
ខណៈអ្នកទីប្រាំបានបញ្ចេញមតិថា៖ “អូសម្លាញ់! ខ្ញុំហ៊ានភ្នាល់ថា Admin នឹងសោកស្ដាយដែលហៅ Ronaldo ថា GOAT បន្ទាប់ពីគេបាន Messi”៕