Gerard Pique កំពុងរៀបចំផែនការរៀបការជាមួយដៃគូថ្មីរបស់គាត់ Clara Chia ហើយគ្រោងនឹងប្រកាសពីការភ្ជាប់ពាក្យរបស់ពួកគេ នេះបើយោងតាមប្រព័ន្ធផ្សព្វផ្សាយអេស្ប៉ាញ។
កាលពីដើមខែនេះ Pique អាយុ ៣៦ឆ្នាំ និង Clara អាយុ ២៤ឆ្នាំត្រូវបានគេប្រទះឃើញនៅហាងគ្រឿងអលង្ការក្រុងបាសេឡូណា ហើយត្រូវបានគេនិយាយថាបានសន្ទនាជាមួយបុគ្គលិកនៅទីនោះអំពីចិញ្ចៀនដែលផលិតតាមខ្នាតចង់បានមួយ។
Pique បានបែកគ្នាពី Shakira ដែលជាដៃគូរបស់គាត់ជាងមួយទសវត្សរ៍ និងម្តាយរបស់កូនគាត់ ទើបតែមួយឆ្នាំមុន។
តារាជើងចាស់ និង Clara Chia បានចេញមុខជាសាធារណៈជាមួយនឹងទំនាក់ទំនងរបស់ពួកគេតិចជាងមួយឆ្នាំមុននៅឯមហោស្រពតន្ត្រីនៅទីក្រុងបាសេឡូណា។
ប្រភពស្និទ្ធនឹង Clara Chia និង Pique អះអាងថា គូស្នេហ៍មួយគូនេះ ពិតជាមានគម្រោងចងភ្ជាប់ពាក្យ ហើយកំពុងរៀបចំធ្វើវានៅក្នុងខែនេះ។
ប្រភពបានប្រាប់សារព័ត៌មានអេស្ប៉ាញផងដែរថា Gerard Pique និង Clara Chia ជិតរៀបការហើយ៕
