អ្នកគាំទ្រន័រវេសមួយផ្នែកបានស្រែកហ៊ោរកញ្ជ្រៀវឌឺដងដល់កំពូលតារាឆ្នើមរបស់ក្រុម Manchester City កីឡាករ Erling Haaland បន្ទាប់ពីគាត់បានចូលឡានក្រុមភ្លាមៗជំនួសឱ្យការជួបពួកគេ។ ន័រវែសបានរងបរាជ័យយ៉ាងគួរឱ្យភ្ញាក់ផ្អើលក្នុងលទ្ធផល ២-១ ទល់នឹងស្កុតឡែនក្នុងការប្រកួតជម្រុះ UEFA Euro ២០២៤ ចុងក្រោយរបស់ពួកគេ។
Haaland បើកការស៊ុតបញ្ចូលទីដោយការស៊ុតបាល់ប៉េណាល់ទីនៅនាទីទី៦១។ ទោះជាយ៉ាងណាក៏ដោយ គ្រាប់បាល់ចុងម៉ោងពីរគ្រាប់របស់ Lyndon Dykes និង Kenny McLean ធ្វើឲ្យក្រុមស្កុតឡេនទទួលបានជ័យជំនះ។
Haaland ដែលជាវីរបុរសនៃរដូវកាលឈ្នះពានបីរបស់ Manchester City ខណៈដែលគាត់បានស៊ុតបញ្ចូលទីបាន ៥២គ្រាប់នៅគ្រប់ការប្រកួតនោះ បានជៀសវាងការជួបជាមួយអ្នកគាំទ្រមួយចំនួនរបស់គាត់ ហើយបានចូលឡានក្រុមភ្លាមៗបន្ទាប់ពីបញ្ចប់ការប្រកួត។ នេះជាលទ្ធផលនៅក្នុងផ្នែកមួយនៃអ្នកគាំទ្របានស្រែកចំអកសំដៅទៅលើខ្សែប្រយុទ្ធដ៏មានឥទ្ធិពលនោះ៕
ប្រភព៖ បរទេស