ភ្នាក់ងាររបស់ Ansu Fati លោក Jorge Mendes បានបញ្ជាក់ថា កីឡាកររូបនេះចង់បន្តនៅ Barcelona។ ភ្នាក់ងារកំពូលមានទំនុកចិត្តថាកីឡាករ អេស្ប៉ាញរូបនេះនឹងបន្តឈ្នះ Ballon d’Or នាពេលអនាគត។
ថ្លែងទៅកាន់ Jijantes FC លោក Mendes បាននិយាយថា Fati គឺជាកីឡាករវ័យក្មេងដ៏ល្អបំផុតមួយនៅក្នុងពិភពលោក ហើយមិនមានគម្រោងចាកចេញពី Barcelona ទេ៖
“Ansu ចង់ស្នាក់នៅ។ គាត់រកបាន ៣គ្រាប់ក្នុងការប្រកួតចុងក្រោយរបស់គាត់។ គាត់គឺជាកីឡាករវ័យក្មេងដ៏ឆ្នើមម្នាក់ក្នុងពិភពលោក។ ថ្ងៃណាមួយគាត់នឹងឈ្នះ Ballon d’Or។”
Arsenal ត្រូវបានផ្សារភ្ជាប់ជាមួយនឹងកីឡាករសញ្ជាតិអេស្ប៉ាញនៅរដូវក្តៅនេះ ដោយ El Nacional បានរាយការណ៍ថាក្រុមកាំភ្លើងធំកំពុងត្រៀម ដេញថ្លៃ៥០លានអឺរ៉ូ។ ក្រុមប្រឹក្សាភិបាល Barcelona ក៏បើកចំហរក្នុងការលក់កីឡាករវ័យក្មេងនេះផងដែរ ដោយសារពួកគេចង់ប្រមូលប្រាក់សម្រាប់ ការផ្ទេរកីឡាករថ្មីៗ និងកាត់បន្ថយថ្លៃឈ្នួលរបស់ពួកគេផងដែរ៕