វិរបុរស​ប្រេស៊ីល៖ គ្មាន​នរណា​លេង​ឈ្នះ Real Madrid ​ទេ ​បើ​ពួកគេ​ទិញ Neymar ​បាន

Bebeto ​វីរបុរស​ប្រេស៊ីល​បាន​បញ្ជាក់​ថាគ្មាន​នរណា​លេង​ឈ្នះ Real Madrid ​ទេ ​បើ​ពួកគេ​ទិញ Neymar ​បាន​នៅ​រដូវ​ក្ដៅ​ខាង​មុខ​នេះ។

Bebeto ​ជា​អតីត​ខ្សែ​ប្រយុទ្ធ​ឆ្នើម​ក្នុង​ក្រុម​ជម្រើស​ជាតិ​ប្រេស៊ីល។ លេង​បាន​៧៥​ប្រកួត ​លោក​អាច​រក​បាន​៣៩​គ្រាប់ ​និង​ជួយ​ក្រុម​ជម្រើស​ជាតិ​មួយ​នេះ​លើក​ពាន World Cup ​បាន​ថែម​ទៀត​នៅ​ឆ្នាំ​១៩៩៤។ បុរស​វ័យ​៥៤​ឆ្នាំ​រូប​នេះ ​ក៏​ធ្លាប់​យក​បាន​មេដាយ​មាស​ជា​ច្រើន​ជូន​ជាតិ ​ក្នុង​ព្រឹត្តិការណ៍​នានា​ដូចជា អូឡាំពិក ​World Cup យុវជន ​និង Copa America ​ជា​ដើម​ផង​ដែរ។

និយាយ​ចំពោះ​រឿង Neymar ​លោក​មើល​ឃើញ​ថា​រូបគេ​ជា​កីឡាករ​ឆ្នើម​ម្នាក់ និង​មាន​បច្ចេកទេស​គ្រប់គ្រាន់​សម្រាប់​លេង​នៅ​តំបន់​ប្រយុទ្ធ រក​គ្រាប់​បាល់។ ​ប្រសិន​បើ​ Real Madrid ​ទិញ​បាន​មែន នោះ​ក្រុម​អេស្ប៉ាញ​មួយ​នេះ​ពិបាក​ក្នុង​ការ​រក​ដៃ​គូ​ប្រកួត​ជាមួយ​ណាស់។ ជាក់ស្ដែង​ក្រុម Real Madrid ​មាន​អ្វី​គ្រប់​យ៉ាង​អស់​ហើយ នៅ​ឡើយ​តែ​ខ្សែ​ប្រយុទ្ធ​មុត​ស្រួល​ម្នាក់​ទៀត​ប៉ុណ្ណោះ ដើម្បី​រក​គ្រាប់​បាល់​ជាមួយ Cristiano Ronaldo ៕ប្រភព៖ MARCA

ភ្ជាប់ទំនាក់ទំនងជាមួយ CTS SPORT