ថ្មីៗនេះ Georgina Rodriguez បានបញ្ជាក់ថានាងនឹងរៀបការជាមួយ Cristiano Ronaldo។ កីឡាករបាល់ទាត់សញ្ជាតិព័រទុយហ្គាល់បានបើកម៉ាកទឹករ៉ែមួយឈ្មោះ Ursu9។ Rodriguez បានចូលរួមក្នុងពិធីនេះ ហើយត្រូវបានអ្នកសារព័ត៌មានសួរថាតើនាងនឹងរៀបការជាមួយអ្នកឈ្នះ Ballon d’Or ប្រាំសម័យកាលឬទេ។ តារាម៉ូដែលរូបនេះបានឆ្លើយតបតាមរយៈ MARCA ថា៖
“ពិតប្រាកដណាស់។”
Cristiano Ronaldo និង Georgina Rodriguez មានទំនាក់ទំនងស្នេហាតាំងពីឆ្នាំ២០១៦។ កីឡាករបាល់ទាត់រូបនេះធ្លាប់លេងឱ្យក្លឹបយក្សអេស្ប៉ាញ Real Madrid នាពេលនោះ។
ពួកគេបានរស់នៅក្នុងទីក្រុង Manchester, Turin និងឥឡូវនេះនៅទីក្រុង Riyadh ចាប់តាំងពីការផ្ទេររបស់កីឡាករបាល់ទាត់ព័រទុយហ្គាល់ទៅក្លឹប Al-Nassr របស់ Saudi Pro League។
អ្នកទាំងពីរជាសហ-ឪពុកម្តាយកូន៥នាក់គឺ Ronaldo Jr, Mateo, Eva Maria, Alana Martina និង Bella Esmeralda។ Rodriguez គឺជាម្តាយបង្កើតរបស់ Alana Martina និង Bella Esmeralda។
ទោះបីជាយ៉ាងណា នាងនៅមិនទាន់ចងសម្ព័ន្ធមេត្រីជាមួយ Ronaldo ទេ។ តារាម៉ូដែលរូបនេះហាក់មានទំនុកចិត្តថានៅទីបំផុតពិធីមង្គលការនឹងកើតឡើង។ Ronaldo ធ្លាប់ត្រូវបានគេដាក់សម្ពាធឱ្យឆ្លើយលើបញ្ហានេះដោយទូរទស្សន៍អង់គ្លេស Piers Morgan។ កីឡាករបាល់ទាត់ជើងចាស់បានឆ្លើយតប តាមរយៈ Sportsmanor ថា៖
“វាអាចក្នុងមួយឆ្នាំ ឬអាចនៅក្នុងរយៈពេលប្រាំមួយខែ ឬមួយខែ។ ខ្ញុំប្រាកដថាវានឹងកើតឡើង ១០០០ភាគរយ”៕
