Mourinho បានចាញ់ការប្រកួតវគ្គផ្តាច់ព្រ័ត្រទ្វីបអឺរ៉ុបជាលើកដំបូងក្នុងអាជីពរបស់គាត់ជាមួយនឹងក្លឹបអេស្ប៉ាញ ខណៈដែល Roma ត្រូវបានផ្តួល ៤-១ ដោយការស៊ុតបាល់ប៉េណាល់ទីបន្ទាប់ពីស្មើ ១-១ ក្នុងរយៈពេល ១២០នាទី។
Mourinho បានប្រាប់ Sky Sports Italy បន្ទាប់ពីការចាញ់ថា៖
“ខ្ញុំចង់បន្តនៅ Roma ប៉ុន្តែកីឡាកររបស់ខ្ញុំសមនឹងទទួលបានច្រើនជាងនេះ ហើយខ្ញុំក៏សមនឹងទទួលបានច្រើនជាងនេះផងដែរ។ ខ្ញុំហត់បន្តិចក្នុងការធ្វើជាគ្រូបង្វឹក ជាអ្នកទំនាក់ទំនង តំណាងឲ្យមុខមាត់ក្លឹបដែលនិយាយថាយើងត្រូវបានគេប្លន់បន្ទាប់ពីការប្រកួតនីមួយៗ។ ខ្ញុំធុញទ្រាន់នឹងការសម្ដែងនៅគ្រប់មុខ។ នៅឆ្នាំក្រោយយើងនឹងមិនលេង Champions League ហើយនោះជារឿងល្អ ពីព្រោះយើងមិនទាន់ ត្រៀមខ្លួនសម្រាប់វាទេ។
ខ្ញុំនឹងទៅវិស្សមកាលនៅថ្ងៃច័ន្ទ។ យើងនឹងនិយាយ។ ខ្ញុំបានប្រាប់ម្ចាស់ថាខ្ញុំនឹងប្រាប់ពួកគេជាមុនក្នុងករណីដែលខ្ញុំនឹងបើកការពិភាក្សាជាមួយក្លឹបមួយផ្សេងទៀត។ ខ្ញុំបានប្រាប់ក្លឹបនៅពេលដែលព័រទុយហ្គាល់បានហៅខ្ញុំនៅក្នុងខែធ្នូសម្រាប់ការងារក្រុមជម្រើសជាតិ។ ប៉ុន្តែរហូតមកដល់ពេលនេះ គ្មានក្លឹបណាផ្សេងហៅខ្ញុំទេ”។
Mourinho ហាក់ដូចជាបានក្លាយជាជម្រើសដំបូងសម្រាប់ PSG ដើម្បីជំនួសកន្លែង Christophe Galtier ហើយរបាយការណ៍ពីមុនបានអះអាងថាគាត់នឹងបញ្ចប់ការគ្រប់គ្រងរបស់ Roma ប្រសិនបើពួកគេឈ្នះពានរង្វាន់ Europa League វគ្គផ្តាច់ព្រ័ត្រ៕