គ្រូបង្វឹក AS Roma លោក Jose Mourinho ត្រូវបាន UEFA ចោទប្រកាន់ពីបទជេរប្រមាថ និងប្រើពាក្យមិនសមរម្យ ក្នុងពេលចាញ់ក្រុម Sevilla វគ្គផ្តាច់ព្រ័ត្រ Europa League។
គ្រូបង្វឹកសញ្ជាតិព័រទុយហ្គាល់មានការខឹងសម្បារនឹងការសម្រេចចិត្តរបស់អាជ្ញាកណ្តាល Anthony Taylor ខណៈដែលក្រុមរបស់គាត់បានចាញ់ក្នុង លទ្ធផល ៤-១ ដោយបាល់កាត់សេចក្តី ១១ម៉ែត្រ។
សារព័ត៌មាន Sky Sports រាយការណ៍ថា អតីតអ្នកចាត់ការ Chelsea ត្រូវបាន UEFA ចោទប្រកាន់ពីបទនិយាយភាសាចំអកដាក់ Taylor។ ព័ត៌មានលម្អិត នៃការចោទប្រកាន់នេះ មិនទាន់ត្រូវបានលាតត្រដាងនៅឡើយទេ ប៉ុន្តែសកម្មភាពរបស់គាត់ក្នុងអំឡុងពេលចុងក្រោយបានទាក់ទាញការរិះគន់។
Jose Mourinho ត្រូវបានគេមើលឃើញនៅក្នុងវីដេអូដែលបានចេញផ្សាយបន្ទាប់ពីការប្រកួតដែលនិយាយចំៗទៅកាន់ Taylor ក្នុងចំណតរថយន្តនៅកីឡដ្ឋាន។ ក្រោយមកលោកបានបន្តវាយប្រហារពីការកាត់សេចក្តីរបស់អាជ្ញាកណ្តាលដោយនិយាយថា៖
“ខ្ញុំត្រូវតែនិយាយថាយើងធ្លាប់ជួបបែបនេះហើយ ប៉ុន្តែឃើញអាជ្ញាកណ្តាលបែបនេះនៅក្នុងវគ្គផ្តាច់ព្រ័ត្រនៅអឺរ៉ុប គឺពិតជាពិបាកទទួលយក ខ្លាំងណាស់”។
Roma បាននាំមុខមុននៅយប់នេះ ដោយការព្យាយាមរបស់ Paulo Dybala នៅនាទីទី៣៥។ យ៉ាងណាក៏ដោយ Sevilla បានវាយបកវិញតាមរយៈការស៊ុតចូលទីខ្លួនឯងរបស់ Gianluca Mancini នៅនាទីទី៥៥។
ការប្រកួតវគ្គផ្តាច់ព្រ័ត្របានឈានដល់ការស៊ុតបាល់កាត់សេចក្តី ១១ម៉ែត្រ ប៉ុន្តែគឺមុននោះ មានការខកចិត្តចំពោះការសម្រេចរបស់ Taylor ដែលមានការ ចម្រូងចម្រាសសម្រាប់ការពិន័យនៅក្នុងដំណាក់កាលចុងក្រោយនៃម៉ោងធម្មតានៅពេលដែលបាល់បានបុកដែ Fernando។ ទោះជាយ៉ាងណាក៏ដោយ Taylor បានគ្រវីការតវ៉ាពីក្រុម Roma ហើយបានបញ្ចប់ការពិន័យកាតលឿងចំនួន១៤ ក្នុងអំឡុងពេលវគ្គផ្តាច់ព្រ័ត្រដ៏តានតឹង ដែលជាកំណត់ត្រាសម្រាប់ ការប្រកួតវគ្គផ្តាច់ព្រ័ត្រនៅទ្វីបអឺរ៉ុប៕
ប្រភព៖ បរទេស