Barcelona កំពុងសម្លឹងមើលទៅលើជម្រើសដ៏មានសក្តានុពលក្នុងការចូលរួមជាមួយ Asian Champions League ប្រសិនបើពួកគេត្រូវបានហាមឃាត់ ដោយ UEFA ពីការលេងពានអឺរ៉ុប។វាជាឆ្នាំដ៏គួរឱ្យអស់សំណើចសម្រាប់ Barcelona បើទោះបីជាពួកគេបានឈ្នះ La Liga យ៉ាងងាយស្រួលជាលើកដំបូងក្នុងរយៈពេល ៤ឆ្នាំក៏ដោយ ពួកគេ នៅតែមានបញ្ហាហិរញ្ញវត្ថុ ដែលសូម្បីតែ Gavi មិនអាចចុះឈ្មោះជាកីឡាករក្រុមដំបូងនៃរដូវកាលនេះ។

ក្រុមរបស់លោក Xavi ក៏រងការអាម៉ាស់ផងដែរនៅក្នុងទ្វីបអឺរ៉ុប ដែលពួកគេត្រូវបានធ្លាក់ចេញពី Champions League និង Europa League។

នៅឆ្ងាយពីទីលាន ពួកគេបានជួបបញ្ហាជាមួយនឹងការស៊ើបអង្កេត និងការចោទប្រកាន់ពីបទពុករលួយជុំវិញការបង់ប្រាក់ទៅឱ្យក្រុមហ៊ុន ដែលមាន ទំនាក់ទំនងជាមួយអាជ្ញាកណ្តាលអេស្ប៉ាញ។Barca បាន​បដិសេធ​យ៉ាង​ម៉ឺងម៉ាត់​នូវ​ការ​ប្រព្រឹត្ត​ខុស​ដោយ​ប្រធាន​ក្លឹប​លោក Joan Laporta ថែម​ទាំង​ព្យាយាម​ប្តូរទៅ​ជាការលើកឡើងពី​ការ​បន្លំ​ Real Madrid ទៀត​ផង។

ទោះជាយ៉ាងណាក៏ដោយ ឥឡូវនេះពួកគេស្ថិតនៅក្រោមការគំរាមកំហែងពិតប្រាកដនៃការខកខានការប្រកួតនៅទ្វីបអឺរ៉ុបនៅរដូវកាលក្រោយ បើទោះបី ជាបានបញ្ចប់ក្នុងចំណាត់ថ្នាក់កំពូលនៃ La Liga ដោយ UEFA ពិចារណាហាមឃាត់ពួកគេ។

ហើយវាហាក់បីដូចជាពួកគេបានចាត់វិធានការណ៍យ៉ាងធ្ងន់ធ្ងរ ហើយបានចាប់ផ្តើមរៀបចំផែនការដើម្បីអាចលេងនៅ Asian Champions League ជំនួសវិញ។យោងតាមរបាយការណ៍មួយកាលពីខែមុនពីកម្មវិធីទូរទស្សន៍កាតាឡាន Onze ក្លឹបបានកំពុងសម្លឹងមើលកន្លែងដែលពួកគេ អាចលេងបានដើម្បីរក្សា លំហូរប្រាក់ចំណូលរបស់ពួកគេ ហើយការប្រកួតប្រជែងនៅទ្វីបមួយទៀតគឺអាចទៅរួច៕