លោក Ian Rush និង Michael Owen វីរបុរសក្រុម Liverpool មើលឃើញថាខ្សែប្រយុទ្ធ Salah នាពេលបច្ចុប្បន្ននេះកំពុងដើរតាមគន្លងរបស់ Lionel Messi ហើយ។
Rush កីឡាករឆ្នើមបំផុតម្នាក់របស់ហង្សក្រហម ដោយលោកអាចរកបាន៣៤៦គ្រាប់ឱ្យក្លឹបនេះ។ ចំណែកឯ Owen វិញរកបាន១៥៨គ្រាប់ដែរសម្រាប់ Liverpool ។ អតីតខ្សែប្រយុទ្ធឆ្នើមទាំងពីរនាក់នេះ មើលឃើញថាសមត្ថភាពរបស់ Salah នឹងឈានទៅមុខបន្ដទៀត ហើយគេនេះហើយនឹងដើរតាមគន្លងរបស់ Messi ឆ្ពោះទៅរកភាពជោគជ័យ។
អ្នកទាំងពីរខាងលើបាននិយាយដូចៗគ្នាថា កីឡាករអេហ្សីបមានបច្ចេកទេសនិងភាពវៃឆ្លាតដូចទៅនឹង Messi ដែរ។ ចង្វាក់នៃការលេងបាល់ក្រោម ការញាក់និងល្បឿននៃការអូសគឺសុទ្ធតែដូចគ្នាខ្លាំងណាស់។ ប្រសិនបើមិនមានអ្វីប្រែប្រួលទេ ប៉ុន្មានឆ្នាំខាងមុខ រូបគេនឹងក្លាយជាកីឡាករកំពូលម្នាក់ជាក់ជាមិនខាន។
Salah ជាកីឡាករឆ្នើមម្នាក់ក្នុងឆ្នាំ២០១៨នៅលីគអង់គ្លេស ហើយរូបគេក៏ជាអ្នករកគ្រាប់បាល់បានច្រើនជាងគេផងដែរ។ នៅគ្រប់ការប្រកួតទាំងអស់ អតីតកីឡាករ Chelsea រូបនេះរកបាន៤៤គ្រាប់ហើយ៕ប្រភព៖ DailyMail