Blaise Matuidi គិតថា Mbappe មានបុគ្គលិកលក្ខណៈដូច Cristiano Ronaldo និង Lionel Messi ខ្លាំងណាស់ បើទោះជារូបគេនៅក្មេងខ្ចីក៏ដោយ។
Mbappe កីឡាកររបស់ក្រុម PSG បានអភិវឌ្ឍខ្លួនលឿនមែនទែនក្នុងរយៈពេល២ទៅ៣ឆ្នាំចុងក្រោយនេះ។ ដោយបច្ចុប្បន្នរូបគេជាខ្សែប្រយុទ្ធជួរមុខម្នាក់ ហើយក៏ជាបេក្ខភាពប្រជែងយកពានរង្វាន់ Ballon d’Or ផងដែរ។ ត្រឹមវ័យតែ១៩ឆ្នាំប៉ុណ្ណោះ ប៉ុន្តែ Mbappe បានជួយក្រុមជម្រើសជាតិបារាំងលើកពានរង្វាន់ FIFA World Cup ទៅហើយ កាលលេងនៅប្រទេសរុស្ស៊ីឆ្នាំ២០១៨នេះ។
ទន្ទឹមគ្នានឹងការលេងបានយ៉ាងល្អ Matuidi ដែលជាមិត្តរួមក្រុមនៅជម្រើសជាតិបារាំងបាននិយាយថា៖ “វាជាបុគ្គលិកលក្ខណៈរបស់គាត់ វាជាអ្វីដែលគាត់បានបង្ហាញអ្នកគ្រប់គ្នា។ គាត់ជាកីឡាករអស្ចារ្យម្នាក់ គាត់បានធ្វើវារួចរាល់ហើយ សមត្ថភាពរបស់គាត់ពិតជាពិសេស មិនខុសពី Ronaldo និង Messi នោះទេ”៕ប្រភពFoxsportsasia
