Lionel Messi បានវ៉ាដាច់កំណត់ត្រាស៊ុតបញ្ចូលទីរបស់ Cristiano Ronaldo។ កីឡាករអាហ្សង់ទីន ពេលនេះក្លាយជាអ្នកស៊ុតបញ្ចូលទីបានច្រើនជាងគេ ក្នុងប្រវត្តិសាស្ត្រនៃលីគកំពូលទាំងប្រាំរបស់អឺរ៉ុប ដោយស៊ុតបញ្ចូលទីបាន ៤៩៦គ្រាប់។
Messi បានស៊ុតបាល់បញ្ចូលទីក្នុងការប្រកួតស្មើ ១-១ នៅ Ligue 1 របស់ Paris Saint-Germain នៅលើទឹកដី Strasbourg កាលពីថ្ងៃសៅរ៍ ទី២៧ ខែឧសភា ដើម្បីសម្រេចបានកំណត់ត្រា។ គាត់ស៊ុតបញ្ចូលទីបាន ៤៧៤គ្រាប់សម្រាប់ Barcelona នៅ La Liga ហើយឥឡូវនេះមាន ២២គ្រាប់នៅក្នុង Ligue 1 សម្រាប់ក្រុម Parisians។
Cristiano Ronaldo ស៊ុតបញ្ចូលទីបាន ៣១១គ្រាប់នៅ La Liga ជាមួយ Real Madrid, ១០៣គ្រាប់នៅ Premier League ជាមួយ Manchester United និង ៨១គ្រាប់នៅ Serie A ជាមួយ Juventus។
ដោយសារគ្រាប់បាល់របស់ Lionel Messi នោះ PSG បានឈ្នះពាន Ligue 1។ កីឡាករអាហ្សង់ទីនបានស៊ុតបញ្ចូលទីបាន ២១គ្រាប់ និងបញ្ជូនបាល់ចំនួន ២០ដងក្នុងការប្រកួតចំនួន ៣៩ដង នៅគ្រប់ការប្រកួតនៅរដូវកាលនេះ៕
ប្រភព៖ បរទេស
