អ្នកកាសែត Khalid Al-Shenaif បានអះអាងថា ក្លឹប Al-Hilal របស់ Saudi Pro League នឹងចុះហត្ថលេខាលើ Lionel Messi, Angel Di Maria និង Sergio Busquets នៅរដូវក្តៅ។ កីឡាករសញ្ជាតិអាហ្សង់ទីនទាំងពីរបច្ចុប្បន្នកំពុងស្ថិតក្នុងដំណាក់កាលចុងក្រោយនៃកិច្ចសន្យាជាមួយ Juventus និង Paris Saint-Germain។ Busquets នឹងចាកចេញពី Barcelona នៅចុងបញ្ចប់នៃរដូវកាលនេះ។
Al-Shenaif បានអះអាងនៅក្នុងកម្មវិធីថ្មីៗរបស់ SBC ថា៖
“Messi កំពុងមក Al-Hilal អមដោយ Di Maria និង Busquets”។
លោក Felix Diaz និពន្ធនាយកប្រចាំថ្ងៃរបស់ MARCA របស់អេស្ប៉ាញក៏បានអះអាងផងដែរថា៖
“Al-Hilal នឹងឈ្នះការនាំយក Messi, Di Maria និង Busquets”។
Diaz បានបន្ថែមទៀតថា៖
“Messi, Di Maria, Busquets, Jordi Alba, និង Iniesta កំពុងមកលេងនៅ Saudi League”។
Diaz ក៏បានបញ្ជាក់ដែរថា Lionel Messi នឹងមិនត្រលប់ទៅ Barcelona វិញនៅរដូវក្ដៅនេះ ហើយនឹងទៅចូលរួមជាមួយ Al-Hilal ជំនួសវិញ៖
“ខ្ញុំធានាចំពោះអ្នកថា Messi នឹងមិនទៅ Barcelona ទេ.. ហើយការមកដល់របស់គាត់ទៅ Al-Hilal ជាមួយ Di Maria គឺចាំតែពេលវេលាមក ដល់ប៉ុណ្ណោះ”។
គាត់បានបន្ថែមថា៖
“ឪពុករបស់ Messi បាននិយាយថាវាពិបាកសម្រាប់កូនប្រុសរបស់គាត់ក្នុងការត្រលប់ទៅ Barcelona ឆាប់ៗនេះ។ Paris Saint-Germainនឹងប្រកាសពីការចាកចេញរបស់កីឡាករអាហ្សង់ទីន… ហើយកីឡាករនឹងមក Al-Hilal”៕
ប្រភព៖ បរទេស