Javier Tebas បានជាប់ពាក់ព័ន្ធក្នុងរឿងចម្រូងចម្រាសជាច្រើននាពេលថ្មីៗនេះ។ ប្រធាន La Liga បាននៅលើប្រព័ន្ធផ្សព្វផ្សាយសង្គមជាមួយ Vinicius Jr ជុំវិញការរើសអើងជាតិសាសន៍ដែលកីឡាករបានប្រឈមមុខ។ ហើយឥឡូវនេះ Tebas ត្រូវបានអ្នកគាំទ្រជំទាស់ចំពោះការសម្រេចចិត្តនាពេលថ្មីៗនេះ របស់គាត់ជុំវិញបច្ចេកវិទ្យាបន្ទាត់គ្រាប់បាល់ “Goal Line Technology”។
គួរកត់សម្គាល់ថា ពេលនេះ Javier Tebas បានសម្រេចចិត្តថា បច្ចេកវិទ្យាបន្ទាត់គ្រាប់បាល់នឹងមិនប្រើក្នុង La Liga ចាប់ពីរដូវកាលក្រោយតទៅ។ ហេតុផលដែល Tebas បានផ្តល់សម្រាប់ការសម្រេចចិត្តដ៏ក្លាហាននេះ មិនសប្បាយចិត្តពីសំណាក់អ្នកគាំទ្រនោះទេ។
យោងតាមរបាយការណ៍ Javier Tebas មិនចង់ប្រើប្រាស់បច្ចេកវិទ្យា Goal Line Technology ដោយសារតែវាមានតម្លៃ ៣លានអឺរ៉ូ។ ប្រធាន La Liga មានអារម្មណ៍ថាវាមិនមែនជារឿងល្អទេក្នុងការចំណាយប្រាក់យ៉ាងច្រើនទៅលើបច្ចេកវិទ្យា។
Goal Line Technology មាននៅក្នុងលីគកំពូលអឺរ៉ុបទាំងប្រាំ។ ហើយវាបានបង្កើតឥទ្ធិពលលើការប្រកួតក្នុងកម្រិតដ៏អស្ចារ្យ។ ក្លឹបជាច្រើនបានឈ្នះការ ប្រកួតសំខាន់ៗមួយចំនួនដោយសារតែបច្ចេកវិទ្យានេះ។
ក្លឹប និងអ្នកគាំទ្រនៅ La Liga មិនសប្បាយចិត្តនឹងការសម្រេចចិត្តនេះនោះទេ ហើយសង្ឃឹមថាគាត់នឹងមិនបន្តជាមួយរឿងនេះទេ។ បច្ចេកវិទ្យា Goal Line Technology មានសារៈសំខាន់ក្នុងបាល់ទាត់សម័យទំនើប៕
ប្រភព៖ បរទេស