លោក Claudio Ranieri ត្រូវបានក្លឹប Fulham តែងតាំងជាអ្នកចាត់ការថ្មីរបស់ខ្លួន បន្ទាប់ពីបានចែកផ្លូវជាមួយលោក Slavisa Jokanovic។
Fulham រដូវកាលនេះធ្វើមិនបានល្អសោះ ដោយឆ្លងកាត់១២ប្រកួត ទើបតែមាន៥ពិន្ទុប៉ុណ្ណោះ ស្ថិតនៅបាតតារាងលីគអង់គ្លេស។ ក្នុងការតែងតាំងអ្នកចាត់ការថ្មីនេះដែរ លោក Ranieri បាននិយាយថា៖ “ខ្ញុំសង្ឃឹមថារដូវកាលនេះក្រុមរបស់យើងនឹងមានសុវត្ថិភាពនៅលីគកំពូល។ អ្វីដែលខ្ញុំធ្លាប់ធ្វើបានកន្លងមក គ្រាន់តែជាអតីតកាលប៉ុណ្ណោះ ហើយខ្ញុំតែងតែចង់បានអ្វីថ្មីជានិច្ច និងនាំក្រុមពិបាកមួយនេះ ត្រលប់ទៅរកភាពប្រសើរឡើងវិញ។ Fulham មិនដែលបោះបង់ចោលឡើយ”។
លោក Ranieri ល្បីឈ្មោះខ្លាំង ក្រោយពីលោកបាននាំក្រុម Leicester City លើកពាន Premier League បានកាលពីឆ្នាំ២០០៥កន្លងទៅ។ ក្រោយមកទៀត បានតែ១រដូវកាលនោះប៉ុណ្ណោះ លោកក៏ត្រូវបានក្លឹបចែកផ្លូវទៀត ក្រោយពីដឹកនាំក្រុមមិនសូវបានល្អ៕ប្រភព៖ BBC
