Jamie Carragher បានចេញមុខសុំទោសតារាឆ្នើម Lisandro Martinez របស់ក្រុម Manchester United បន្ទាប់ពីអះអាងថាខ្សែការពាររូបនេះ ទាបពេកសម្រាប់លេងនៅ Premier League។
Martinez ពិតជាបានប្រែក្លាយអ្វីៗទាំងអស់ ហើយពិតជាមានសារៈសំខាន់សម្រាប់ United ក្នុងការឡើងទៅកាន់កំពូលទាំងបួន ដោយបានឈ្នះពាន Carabao Cup និងឈានដល់វគ្គផ្តាច់ព្រ័ត្រ FA Cup។
Martinez ក៏បានជួយក្រុមជម្រើសជាតិរបស់ខ្លូនឈ្នះពាន World Cup កាលពីខែធ្នូដែរ ហើយចាប់តាំងពីពេលនោះមក អ្នកវិភាគត្រូវតែចាប់ផ្តើមវិលទៅរកការអត្ថាធិប្បាយខាងដើមរបស់ពួកគេឡើងវិញ។
កាលពីយប់ថ្ងៃច័ន្ទ Carragher និង Gary Neville ស្ថិតនៅក្នុងស្ទូឌីយ៉ូ Sky Sports ប្រគល់ពានរង្វាន់ចុងបញ្ចប់នៃរដូវកាលរបស់ពួកគេ និងបង្កឱ្យមានភាពចម្រូងចម្រាសដែលតែងតែកើតឡើងជាធម្មតា។ Carragher បាននិយាយថា៖
“នៅពេលដែលអ្នក [Neville] និយាយអំពីតួនាទីរបស់ Casemiro ខ្ញុំគិតថាវាជាការធ្លាក់ចុះដ៏ធំមួយនៅក្នុងក្រុម Manchester United នៅពេលដែល Martinez មិនស្ថិតនៅក្នុងតំបន់ការពារ ប៉ុន្តែក៏មានសមត្ថភាពរបស់គាត់នៅលើបាល់ផងដែរនៅពេលលេងចេញពីខាង ក្រោយ។
គាត់គឺជាអ្នកចម្បាំង គាត់គឺជាអ្នកដឹកនាំ ហើយនៅពេលអ្នកគិតពីឆ្អឹងខ្នងនៃក្រុម គាត់ និង Casemiro បានធ្វើឱ្យមានភាពខុសគ្នាយ៉ាងខ្លាំង។
ដូច្នេះ ខ្ញុំសូមអភ័យទោស Lisandro និងអ្នកគាំទ្រ Man Utd ទាំងអស់ ប្រសិនបើអ្នកអាចឈប់ Tweet មកខ្ញុំ អំពី Lisandro Martinez នោះពិតជាអស្ចារ្យណាស់”៕