ក្រុមរបស់លោក Klopp បានចំណាយពេលភាគច្រើននៃយុទ្ធនាការនេះនៅចន្លោះលេខ៦ និងលេខ១០ ក្នុងតារាង Premier League ប៉ុន្តែការឈ្នះ ៧ដង ជាប់ៗគ្នាចាប់ពីពាក់កណ្តាលខែមេសាដល់ពាក់កណ្តាលខែឧសភា គួបផ្សំនឹងភាពច្របូកច្របល់របស់ Manchester United បានធ្វើឱ្យក្រុម Liverpool ប្រជែងយកតំណែងកំពូលទាំងបួន។
ក្តីសង្ឃឹមចុងក្រោយទាំងនោះហាក់ដូចជាត្រូវបានរំសាយទៅវិញនៅថ្ងៃសៅរ៍ នៅពេលដែលក្រុមហង្សក្រហមត្រូវបានចែកពិន្ទុទៅ Aston Villa មួយពិន្ទុ ដោយបានសង្គ្រោះដោយគ្រាប់បាល់តាមស្មើដោយកីឡាករ Roberto Firmino នៅចុងម៉ោងក្នុងការប្រកួតចុងក្រោយរបស់គាត់នៅ Anfield ហើយ Man Utd ទទួលបានជ័យជម្នះលើក្រុម Bournemouth។
Man United និង Newcastle ឥឡូវនេះ ម្នាក់ៗត្រូវការតែមួយពិន្ទុបន្ថែមពីការប្រកួតចុងក្រោយរបស់ពួកគេដែលនៅសល់ ២ប្រកួត ដើម្បីធ្វើឱ្យ Liverpool មិនអាចទៅរួចក្នុងការដណ្តើមកៅអី Champions League។
លោក Klopp បានប្រាប់ BBC Sport ថា៖
“យើងនឹងប្រកួតប្រជែងនៅ Europa League។ ខ្ញុំមិនអន់ចិត្តនោះទេ។ ការដែលយើងមានសមត្ថភាពបានកៅអីលេងនៅ Europa League គឺជារឿងមិនគួរឲ្យជឿរួចទៅហើយជាមួយនឹងក្រុមទាំងអស់ដែលនៅជុំវិញយើង។ នោះពិតជាពិបាក ហើយយើងអាចធ្វើវាបាន នោះគឺល្អ។
អស់រយៈពេលជាយូរណាស់មកហើយដែលយើងមិនអាចសូម្បីតែឮភ្លេង Champions League នោះហើយជាអ្វីដែលយើងធ្លាប់នៅឆ្ងាយពីវា។ ពាន Europa League គឺពិតជាល្អណាស់។ ចាំមើលថាតើយើងអាចធ្វើអ្វីបាន”៕