ក្លឹប Real Madrid បានប្រកាសជាផ្លូវការចំពោះកិច្ចសន្យារបស់លោក Santiago Solari ដែលនឹងត្រូវដឹកនាំក្រុម Real Madrid រហូតដល់ឆ្នាំ២០២១ឯណោះ។
Solari ចូលខ្លួនមកដឹកនាំក្រុម Real Madrid បន្ទាប់ពីការដឹកនាំរបស់លោក Julen មិនបានល្អ និងធ្វើឱ្យក្រុមបរាជ័យផ្ទួនៗគ្នា។ ៤ប្រកួតដំបូងរបស់លោក គឺឈ្នះទាំង៤ប្រកួតតែម្ដង ហើយស៊ុតគ្រាប់បាល់បាន១៥គ្រាប់ របូតវិញតែ២គ្រាប់ប៉ុណ្ណោះ។ ការធ្វើបានល្អនេះហើយ ទើបបានជាកីឡាករក្នុងក្រុម ជាពិសេសថ្នាក់ដឹកនាំបានសម្រេចយកបុរសវ័យ៤២ឆ្នាំមកធ្វើជាអ្នកចាត់ការពេញសិទ្ធិតែម្ដង។
កុងត្រានេះដែរ នឹងធ្វើឱ្យលោកទទួលបាន៦លានអឺរ៉ូក្នុង១ឆ្នាំ និងមានប្រាក់ Bonus ផ្សេងៗទៀត នៅពេលដឹកនាំក្រុមបានល្អ ជាពិសេសឈ្នះពានរង្វាន់។ នេះជាការកាន់ក្រុមធំលើកដំបូងសម្រាប់លោក Solari ហើយ ក្រោយពីកាន់ក្រុមយុវជន Real Madrid ៣ឆ្នាំមកនេះ៕ប្រភពDailyMail