Bernardo Silva បានបើកចំហពីរបៀបដែល Manchester City អាចបំបែកក្រុម Real Madrid ដើម្បីឈានទៅវគ្គផ្តាច់ព្រ័ត្រ Champions League ជាលើកទីពីរក្នុងរយៈពេលបីរដូវកាល។
ថ្លែងទៅកាន់ BT Sport ក្រោយការប្រកួត Silva បានទទូចថា ភាពរឹងប៉ឹងផ្លូវចិត្ត និងស្ថានភាពចិត្តរបស់ក្រុមរបស់គាត់បានជួយពួកគេឱ្យឆ្លងកាត់ ដំណាក់កាលដែលពួកគេធ្លាក់កាលពីរដូវកាលមុន។ គាត់បាននិយាយថា៖
“វាជារាត្រីដ៏ស្រស់ស្អាតសម្រាប់ពួកយើង។ យើងដឹងថាវានឹងពិបាក ប៉ុន្តែការយកឈ្នះក្រុម Real Madrid ក្នុងលទ្ធផល ៤-០ នៅក្នុងផ្ទះគឺ អស្ចារ្យណាស់។
យើងដឹងថាពួកគេស្វិតស្វាញប៉ុណ្ណា។ ពួកគេបានរុញយើង ប៉ុន្តែយើងមានភាពធន់ខ្លាំង យើងចង់ឈ្នះ និងរៀបចំបានល្អនៅពេលនោះ។
ការលេងរបស់ខ្ញុំក្នុងការប្រកួតដំបូងនៅទីក្រុង Madrid មិនមែនជាអ្វីដែលខ្ញុំចង់បាននោះទេ ហើយខ្ញុំចង់សងវានៅថ្ងៃនេះ។ ថ្ងៃនេះខ្ញុំត្រូវតែធ្វើឲ្យបានល្អជាងមុនសម្រាប់មិត្តរួមក្រុម និងអ្នកគាំទ្រ ហើយនោះជាអ្វីដែលខ្ញុំបានព្យាយាមធ្វើ។ ខ្ញុំតូចមែន តែក្បាលខ្ញុំធំ!”៕
