Man City កំពុងស្ថិតនៅលើគែមនៃពានរង្វាន់ Premier League ជាលើកទីប្រាំរបស់ពួកគេក្នុងរយៈពេល ៦ឆ្នាំក្រោមការដឹកនាំរបស់អ្នកចាត់ការជនជាតិ អេស្ប៉ាញ ហើយអាចទទួលបានពានរង្វាន់បី ខណៈដែលពួកគេក៏កំពុងដេញតាម FA Cup និងពានរង្វាន់ Champions League ដែលមិនធ្លាប់ឈ្នះកន្លង មក។ 
ថ្ងៃពុធនាំមកនូវឱកាសដែលអាចឈានទៅដល់វគ្គផ្តាច់ព្រ័ត្រនៃការប្រកួតពានលីគអឺរ៉ុប ខណៈដែលពួកគេធ្វើជាម្ចាស់ផ្ទះ Real Madrid ក្នុងការប្រកួត ជើងទីពីរនៃវគ្គពាក់កណ្តាលផ្តាច់ព្រ័ត្រក្នុងលទ្ធផល ១-១ ក្នុងជើងទីមួយ។
ការឈ្នះពានរង្វាន់ Champions League ត្រូវបានគេចាត់ទុកថា ជាគោលដៅចុងក្រោយរបស់ក្លឹប ប៉ុន្តែលោក Guardiola ដែលជាម្ចាស់ជើងឯកអឺរ៉ុបពីរ សម័យកាលជាមួយ Barcelona ដែលបានប្រមូលពានរង្វាន់ធំៗចំនួន៩ សរុបជាមួយ Man City មិនគិតថាកេរ្តិ៍ឈ្មោះរបស់គាត់អាស្រ័យលើពាននេះនោះ ទេ។
គាត់បាននិយាយថា៖
“កេរដំណែលរបស់ខ្ញុំគឺពិសេសរួចទៅហើយ! យើងធ្លាប់មកដល់វគ្គនេះច្រើនដងហើយ។ យើងមិនល្ងង់ទេ យើងដឹងថាថ្ងៃស្អែកមានសារៈ សំខាន់ប៉ុណ្ណា ប្រហែលជាសំខាន់បំផុតចាប់តាំងពីយើងមកដល់វគ្គនេះ។
ខ្ញុំនិយាយទៅកាន់កីឡាករ រស់នៅជាមួយវា រីករាយនឹងពេលវេលា ហើយថាតើយើងមានសំណាងប៉ុណ្ណា។ វាស្ថិតនៅក្នុងដៃរបស់យើង វាអាស្រ័យលើយើង។
យើងមិនចាំបាច់ធ្វើអ្វីដែលពិសេសជាងនេះទៀតនោះទេ ធ្វើជាខ្លួនយើង ផ្តល់អ្វីគ្រប់យ៉ាងដែលយើងមាន។ ខ្ញុំមានអារម្មណ៍មិនគួរឱ្យជឿ ចំពោះក្រុម។ ទោះមានអ្វីកើតឡើងក៏ដោយ អរគុណដែលនាំពួកយើងមកទីនេះម្តងទៀត”៕
*[Fotmob]