Alfie Haaland ឪពុករបស់ខ្សែប្រយុទ្ធ Erling របស់ Manchester City បានបដិសេធចំពោះឧប្បត្តិហេតុដែលនាំឱ្យគាត់ត្រូវបានសន្តិសុខនាំចេញពីកន្លែង VIP នៅឯ Bernabeu កាលពីល្ងាចថ្ងៃអង្គារ។
វីដេអូនៅលើប្រព័ន្ធផ្សព្វផ្សាយសង្គមបានបង្ហាញថាឪពុក Haaland វ័យ ៥០ឆ្នាំបានចូលរួមក្នុងការឌឺដងជាមួយអ្នកគាំទ្រ Real Madrid នៅពេលដែលគាត់ បានអបអរការតាមស្មើរបស់ Kevin De Bruyne សម្រាប់ City ក្នុងការប្រកួត Champions League វគ្គពាក់កណ្តាលផ្តាច់ព្រ័ត្រជើងទីមួយ។
អតីតខ្សែបម្រើ Leeds និង Manchester City លោក Haaland បានគោះត្រចៀករបស់គាត់ជាការឆ្លើយតបទៅនឹងការឌឺដងពីអ្នកគាំទ្រ មុនពេលគាត់ត្រូវ បាននាំចេញពីតំបន់នោះដោយបុគ្គលិកសន្តិសុខ។
របាយការណ៍នៅក្នុងប្រទេសអេស្បាញបានបង្ហាញថា Haaland បានគប់អាហារទៅកាន់អ្នកគាំទ្រអធិរាជស ដែលគាត់បានបដិសេធ ដោយនិយាយថា គាត់ត្រូវបានគេស្នើសុំឱ្យផ្លាស់ទីទៅទីតាំងមួយផ្សេងទៀតដែលនៅជិតនោះ។ គាត់បានសរសេរនៅលើ Twitter ថា៖
“Real Madrid មិនសប្បាយចិត្តទេដែលយើងកំពុងអបអរគ្រាប់បាល់ KDB។ ក្រៅពីនោះ យើងត្រូវតែផ្លាស់ប្តូរទីតាំង ព្រោះអ្នកគាំទ្រ Madrid មិនសប្បាយចិត្តនឹងលទ្ធផល ១-១ ទេ។”
ជាការឆ្លើយតបទៅនឹងរបាយការណ៍ដែលថាគាត់បានគប់សណ្តែកដីទៅកាន់អ្នកគាំទ្រ Real Madrid លោក Haaland បាននិយាយថា៖
“ខ្ញុំមិនបានធ្វើទេ។ វាមិនពិតទេ”៕
