Messi ឡាវ ថា​នឹង​យក​៣​ពិន្ទុ​ពី​កម្ពុជា​ឱ្យ​បាន ​នៅ​អូឡាំពិក

ខ្សែ​បម្រើ Soukaphone Vongchiengkham ​ឬ​ហៅ​ក្រៅ​ថា Messi ឡាវ ​បាន​បញ្ជាក់​ថា​នឹង​យក​៣​ពិន្ទុ​ឱ្យ​បាន​ក្នុង​ការ​ប្រកួត​ជាមួយ​កម្ពុជា​ថ្ងៃ​២០​ខាង​មុខ​នេះ ​ក្នុង​ពាន​រង្វាន់ AFF Suzuki Cup 2018 ។

ឡាវ ​២​ប្រកួត​កន្លង​មក​នេះ បរាជ័យ​ទាំង​ពីរ​ប្រកួត ធ្វើ​ឱ្យ​ក្រុម​របស់​ពួកគេ​ស្ថិត​នៅ​បាត​តារាង​ដូច​កម្ពុជា​ដែរ។ យ៉ាងណាមិញ ​ក្រុម​ទាំង​ពីរ​នឹង​ប៉ះ​គ្នា​ដណ្ដើម​យក​៣​ពិន្ទុ​នៅ​ថ្ងៃ​ទី​២០​ខាង​មុខ​នេះ ​ដោយ​លេង​នៅ​ទឹក​ដី​របស់​កម្ពុជា។ ក្រុម​ទាំង​ពីរ​ត្រូវ​ការ​ជ័យជម្នះ​រៀង​ខ្លួន ​ទើប​អាច​មាន​ឱកាស​បន្ដ​ដង្ហើម​ឡើង​ទៅ​វគ្គ​បន្ដ​បាន។

ជាមួយ​គ្នា​នោះ  Soukaphone ​បាន​និយាយ​ថា​៖ “យើង​នៅ​តែ​មាន​ទំនុក​ចិត្ត​ឡើង​វគ្គ​បន្ដ​បាន។ ពួក​យើង​នៅ​សល់​២​ប្រកួត​ទៀត ​ហើយ​យើង​ត្រូវ​តែ​ឈ្នះ​ដាច់​ខាត​ក្នុង​២​ប្រកួត​នៅ​សល់​នេះ។ នេះ​ ជា​គោលដៅ​របស់​ក្រុម​យើង ​ដើម្បី​ឡើង​វគ្គ​បន្ដ​បាន”។ ២​ប្រកួត​ដែល​ចាញ់​របស់​ក្រុម​ឡាវ គឺ​ប៉ះ​ចាញ់​ក្រុម​វៀតណាម​បើក​ឆាក ៣-០ ​និង​ចាញ់​ក្រុម​ម៉ាឡេស៊ី ​៣-១៕Aប្រភពffsuzukicup

 

ភ្ជាប់ទំនាក់ទំនងជាមួយ CTS SPORT