ត្រលប់ទៅឆ្នាំ ២០០៦ ជាមួយនឹងក្រុម Chelsea បានគ្រងតំណែងជើងឯក Premier League ពីរដងជាប់គ្នា ក្រោមការបង្វឹកដ៏មានមន្តស្នេហ៍។ កីឡាករ មួយចំនួនតូចសម្លឹងរកផ្លូវចាកចេញ ដោយសារការរំពឹងទុកនៃមេដាយបន្ថែមទៀតដែលនឹងមកដល់។
ម្នាក់ក្នុងចំណោមអ្នកដែលអស់សង្ឃឹមក្នុងការស្នាក់នៅគឺខ្សែបម្រើសញ្ជាតិអង់គ្លេស Joe Cole ដែលជាសមាជិកសំខាន់នៃក្រុមរបស់លោក Mourinho។
ក្នុងរយៈពេលប្រាំពីរឆ្នាំជាមួយក្លឹប Cole បានឈ្នះពានជាច្រើនរួមទាំងពាន Premier League ចំនួនបី និង FA Cup ចំនួនបី។
ក្នុងនាមជាអ្នករកចំណូលបានច្រើនជាងគេរបស់ក្លឹបក្នុងឆ្នាំ ២០០៦ គាត់បានទិញរថយន្តស្ព័រដ៏កម្រមួយគឺ Ferrari Scaglietti។
ទោះបីជាយ៉ាងណាក៏ដោយ Cole មានការភ្ញាក់ផ្អើលដែលឃើញអ្នកគ្រប់គ្រងរបស់គាត់ចាប់អារម្មណ៍យ៉ាងខ្លាំងចំពោះរថយន្ដ៏កម្រនេះ។
ទាក់ទងនឹងការទិញរបស់គាត់ Cole បានសរសេរនៅក្នុង The Telegraph ថា៖
“មានតែម្តងក្នុងអាជីពរបស់ខ្ញុំដែលខ្ញុំបានទិញឡាននេះ។ វាជារថយន្ត Ferrari Scaglietti ប្រហែលឆ្នាំ ២០០៦។ ខ្ញុំបានបញ្ចុះបញ្ចូលខ្លួនឯងថាខ្ញុំគួរតែមានរថយន្តមួយគ្រឿងនេះ ប៉ុន្តែវាមិនត្រឹមត្រូវទេ។
នៅពេលដែលគាត់បានឃើញវានៅក្នុងចំណតរថយន្តនៅឯ Cobham លោក Jose Mourinho បានស្នើសុំទិញវាពីខ្ញុំ។
ដោយបានប្រទះឃើញឱកាសដើម្បីទទួលបានអ្វីមួយពីចៅហ្វាយរបស់គាត់ Cole បានសួរដោយផ្ទាល់ថាតើកិច្ចសន្យាថ្មីរបស់គាត់នៅ Chelsea អាចត្រូវបានផ្តល់ជូនជាថ្នូរនឹងរថយន្តដែរឬទេ។ អ្នកអាចស្រមៃមើលថាតើ Mourinho ឆ្លើយតបបែបណា?”
គាត់បានបន្ថែមថា៖
“ខ្ញុំបាននិយាយថា ខ្ញុំសប្បាយចិត្តក្នុងការធ្វើដូច្នេះក្នុងលក្ខខណ្ឌដែលគាត់បានប្រាប់ក្លឹបឲ្យផ្តល់កុងត្រាថ្មីដល់ខ្ញុំ។
ជាការសោកស្ដាយ ខ្ញុំមិនទទួលបានកុងត្រាថ្មីនោះទេ”៕