Luis Suarez បានស្ដីឱ្យមិត្តរួមក្រុម Gerard Pique ថា “កុំមករញ៉េរញ៉ៃជាមួយខ្ញុំ” បន្ទាប់ពីក្រុម Barcelona ចាញ់ក្រុម Real Betis ៣-៤ កាលពីប្រកួតមុននេះ។
នៅទឹកដីខ្លួនឯង Barcelona បែរជាភ្លាត់ចាញ់ក្រុម Real Betis ធ្វើឱ្យក្រុមអ្នកគាំទ្រមិនសប្បាយចិត្តឡើយ។ ផ្ទុយទៅវិញ សូម្បីតែកីឡាករគ្នាឯងផ្ទាល់ ក៏មិនពេញចិត្ត ហើយបន្ទោសគ្នាទៅវិញទៅមកដែរ។ ជាក់ស្ដែង Suarez បានប៉ះពាក្យសម្ដីគ្នាជាមួយខ្សែការពារ Pique។ កីឡាករអេស្ប៉ាញ បានដើរមកនិយាយជាមួយកីឡាករអ៊ុយរុយហ្គាយ ប៉ុន្តែលទ្ធផលមិនល្អឡើយ។ Surez បាននិយាយទៅកាន់ Pique ថា កុំមករញ៉េរញ៉ៃជាមួយខ្លួន ចំពោះរឿងលទ្ធផលនេះ។
មិនត្រឹមតែប៉ុណ្ណោះទេ Pique ក៏បានទៅនិយាយជាមួយ Vidal ថែមទៀតផង ចំពោះមានឱកាសមាសហើយ ប៉ុន្តែបែរជាមិនអាចធ្វើបានសម្រេចទីទៅវិញ។ បរាជ័យមែន ប៉ុន្តែក្រុម Barcelona នៅឈរនៅកំពូលតារាងដដែល តែនាំមុខក្រុមលេខ២ Sevilla តែ១ពិន្ទុប៉ុណ្ណោះ ហើយលើសក្រុម Real Madrid ៤ពិន្ទុ៕ប្រភពDailyMail
