ខ្សែប្រយុទ្ធសញ្ជាតិប៉ូឡូញដែលបានមកពីក្លឹប Bayern Munich កាលពីរដូវក្តៅមុន រកបាន ២៧ គ្រាប់ និងបញ្ជូនបាល់ឱ្យមិត្តរួមក្រុមចំនួន ៧ដងក្នុងការបង្ហាញខ្លួនចំនួន ៣៨លើកសម្រាប់ក្លឹបយក្សកាតាឡាន។
ទោះបីជា Lewandowski បរាជ័យក្នុងការស៊ុតបញ្ចូលទីក្នុងការប្រកួតបួនលើកចុងក្រោយរបស់ Barcelona ជាមួយ Girona, Getafe, Atletico Madrid និង Real Madrid ក៏ដោយ Xavi មិនមានការព្រួយបារម្ភអំពីទម្រង់លេងរបស់កីឡាករនោះទេ។
Xavi បានប្រាប់អ្នកសារព័ត៌មានបន្ទាប់ពី Barcelona យកឈ្នះ Atletico ១-០ កាលពីពេលថ្មីៗនេះថា៖
“Robert ទទួលបានជោគជ័យដ៏ធំមួយនៃរដូវកាលនេះ ឥឡូវនេះមិនច្រើនទេ ប៉ុន្តែគ្រាប់បាល់នឹងមកដល់។ ខ្សែប្រយុទ្ធទាំងអស់ចង់រកគ្រាប់បាល់។ អ្នកដែលមិនបានស៊ុតបញ្ចូលទីគឺសោកសៅ វាជាជីវិតរបស់ខ្សែប្រយុទ្ធ”។
Lewandowski ដែលនៅតែជាអ្នកស៊ុតបញ្ចូលទីច្រើនជាងគេនៅ La Liga ជាមួយនឹង ១៧គ្រាប់នោះ រកបានតែ ២គ្រាប់ប៉ុណ្ណោះក្នុងការប្រកួតលីគចំនួន ៧ដងចុងក្រោយរបស់គាត់។
ទោះជាយ៉ាងណាក៏ដោយ Xavi ជឿជាក់ថាកីឡាករផ្សេងទៀតរបស់គាត់ក៏អាចឈានទៅរកគ្រាប់បាល់បានដែរ ហើយពួកគេមិនគួរពឹងផ្អែកតែលើខ្សែប្រយុទ្ធជើងចាស់នោះទេ។
Xavi បានបន្ថែមថា៖
“ស្រមៃមើលថាតើកីឡាករផ្សេងទៀតនឹងទៅជាយ៉ាងណា ប្រសិនបើ Lewandowski ដែលជាអ្នកស៊ុតបញ្ចូលទីច្រើនជាងគេក្នុងលីគ ចាប់ផ្តើមស៊ុតបញ្ចូលទីម្តងទៀត។ យើងត្រូវបន្តធ្វើការ និងបង្កើតឱកាសបន្ថែមទៀត”៕