ក្រោយពីដឹកនាំក្រុមឈ្នះ ៤ប្រកួតជាប់គ្នាមក ពេលនេះក្លឹប Real Madrid បានប្រកាសតែងតាំងលោក Santiago Solari ជាអ្នកចាត់ការពេញសិទ្ធិតែម្ដង។
ក្រោយលោក Julen ត្រូវក្លឹបបណ្ដេញចេញទៅ លោក ដែលជាគ្រូបង្វឹកថ្នាលយុវជនក៏មានឱកាសមកដឹកនាំក្រុមបណ្ដោះអាសន្ន ដើម្បីឱ្យ Real Madrid ស្វែងរកអ្នកចាត់ការថ្មី។ យ៉ាងណាមិញ ក្រោមការដឹកនាំរបស់លោក Solari ក្លឹបអធិរាជស ពិតជាធ្វើបានល្អ ដោយ៤ប្រកួត ឈ្នះទាំង៤ប្រកួត។ លទ្ធផលនេះ បានធ្វើឱ្យថ្នាក់ដឹកនាំក្លឹបនេះ មានទំនុកចិត្តលើអ្នកចាត់ការថ្មីនេះ ហើយយប់មិញ បានប្រកាសតែងតាំងជាអ្នកចាត់ការផ្លូវការតែម្ដង។
បុរសវ័យ៤២ឆ្នាំខាងលើបាននិយាយថាលោកចង់ដើរតាមគន្លងរបស់ Zidane ដែលធ្លាប់ចេញពីថ្នាលយុវជនហើយដឹកនាំក្រុមបានយ៉ាងជោគជ័យ។ ធ្វើជាអ្នកចាត់ការក្រុម Real Madrid ពិតជាមានសម្ពាធខ្លាំង ព្រោះក្លឹបនេះចង់ឈ្នះគ្រប់ការប្រកួតទាំងអស់ និងមានមហិច្ឆតាធំណាស់។ ប៉ុន្តែនេះជារឿងធម្មតាទៅហើយ ព្រោះលោកក៏ចូលចិត្តការប្រកួតប្រជែងអីចឹងដែរ៕ប្រភពDailyMail