លោក Thomas Tuchel បាននិយាយថាក្រុម Monaco មិនមែនជាក្រុមខ្លាំង ដៃគូប្រជែងជាមួយ PSG បានទៀតឡើយនៅរដូវកាលនេះ។
យប់មិញ Monaco លេងចាញ់ក្រុម PSG ដល់ទៅ ៤-០ ឯណោះក្នុងការប្រកួតលីគកំពូលបារាំង។ លទ្ធផលនេះ បានធ្វើឱ្យក្រុម PSG មានកំណត់ត្រាឈ្នះ១៣ប្រកួតជាប់គ្នាតែម្ដង ក្នុងការប្រកួត១៣ប្រកួតនៅលីគ។ លោក Thomas បាននិយាយក្រោយចប់ការប្រកួតថាពេលនេះ PSG បានក្លាយ ជាក្រុមខ្លាំងជាងគេបំផុតនៅបារាំងទៅហើយ។ គ្មានក្រុមណាមួយដែល អាចនឹងយកឈ្នះពួកគេបានទេ បើទោះបីជា Monaco ក៏ដោយ។
គ្រូបង្វឹកដែលទើបមកកាន់តំណែងរដូវកាលនេះ បន្ដទៀតថាបច្ចុប្បន្ន Monaco កំពុងតែយ៉ាប់ខ្លាំង។ ពួកគេត្រូវដោះស្រាយរឿងជាច្រើន ទើបអាចធ្វើឱ្យក្រុមត្រលប់មកស្គាល់ជ័យជម្នះវិញបាន។ ហើយពួកគេមិនមែនជាដៃគូរបស់ PSG តទៅទៀត៕ប្រភព៖ espn
