គ្រាប់បាល់ចុងម៉ោងរបស់ Martin Odegaard និង Bukayo Saka ទទួលបានលទ្ធផលស្មើ ៣-៣ នៅផ្ទះក្រុមបាតតារាង Premier League ប៉ុន្តែការនាំមុខរបស់ក្រុមកាំភ្លើងធំនៅលើតារាងឥឡូវនេះត្រូវបានកាត់បន្ថយមកត្រឹម ៥ពិន្ទុប៉ុណ្ណោះ ហើយក្រុមរបស់លោក Mikel Arteta បានលេងច្រើនជាងក្រុម Manchester City ពីរប្រកួត ដែលពួកគេនឹងត្រូវជួបនៅ Etihad នៅថ្ងៃពុធ។
Jesus បានប្រាប់ Sky Sports ក្រោយការប្រកួតថា៖
“យើងមិនចង់មកទីនេះ ហើយនិយាយអវិជ្ជមានទេ ព្រោះយើងមានភាពវិជ្ជមានខ្លាំង។ រដូវកាលដែលយើងកំពុងធ្វើគឺអស្ចារ្យណាស់។
វាជា Premier League វាមិនងាយស្រួលទេ វាពិបាកណាស់។ អ្នកប្រកួតប្រជែងជាមួយក្រុមដ៏ស្វិតស្វាញដូចជា Southampton។ ពួកគេលេង ព្យាយាមការពារឱ្យបានល្អ បន្ទាប់មកវាយបក។”
គាត់បានបន្តទៀតថា៖
“យើងនៅមានរឿងជាច្រើនដែលត្រូវធ្វើនៅរដូវកាលនេះ គ្មានអ្វីចប់ទេ។ យើងនៅតែមាន ៥ពិន្ទុច្បាស់លាស់។ ពួកគេមានពីរប្រកួតក្នុងដៃ។ ប្រសិនបើយើងចង់ក្លាយជាជើងឯក យើងត្រូវទៅទីនោះ ហើយឈ្នះការប្រកួត។”
Arsenal នឹងធ្វើដំណើរទៅកាន់ Manchester City នៅថ្ងៃពុធសម្រាប់ការប្រកួតដ៏ធំបំផុតនៃរដូវកាលនេះ ហើយក៏ជាការកំណត់ជោគវាសនាម្ចាស់ជើងឯក Premier Leauge រដូវកាលនេះផងដែរ៕
