ក្រុមជម្រើសជាតិព័រទុយហ្គាល់ នឹងមិនមានឈ្មោះកីឡាករសំខាន់ច្រើននាក់ដែលធ្លាប់ជួយពួកគេលើកពាន Euro 2016 កន្លងទៅ ក្នុងព្រឹត្តិការណ៍ World Cup 2018 ខាងមុខនេះ។
ខ្សែប្រយុទ្ធ Nani ខ្សែបម្រើ Andre Gomes កីឡាករ Renato Sanches និងខ្សែប្រយុទ្ធEder ដែលជាអ្នកស៊ុតគ្រាប់ជ័យជម្នះឱ្យព័រទុយហ្គាល់នៅ Euro សុទ្ធតែមិនមានឈ្មោះទៅ World Cup នោះទេ។ លោក Fernando Santos បាននិយាយចំពោះរឿងដែលមិនជ្រើសរើសកីឡាករទាំងនេះថា៖ “វាពិតជាមានអារម្មណ៍ឈឺចាប់នៅពេលយើងមិនជ្រើសរើសយកពួកគេ។ ប៉ុន្តែខ្ញុំត្រូវធ្វើការសម្រេចចិត្តមួយ ដែលត្រឹមត្រូវនិងធ្វើឱ្យក្រុមកាន់តែល្អជាងមុន”។
ក្រុមជម្រើសជាតិព័រទុយហ្គាល់ស្ថិតនៅពូល B ជាមួយក្រុមខ្លាំងអេស្ប៉ាញ ម៉ារុក និងអឺរ៉ង់។ ការប្រកួតនឹងធ្វើឡើងនៅខែក្រោយនេះ នាប្រទេសរុស្ស៊ី៕ប្រភព៖ BBC