យោងតាមសារព័ត៌មាន El Nacional បានឱ្យដឹងថា Chelsea បានផ្តល់ប្រាក់ឈ្នួលដល់កីឡាករវ័យក្មេង Gavi របស់ Barcelona ចំនួន ១០ លានអឺរ៉ូក្នុងមួយឆ្នាំ ដើម្បីចុះហត្ថលេខាលើរូបគេ។ កិច្ចសន្យា Barcelona លើកដំបូងរបស់ Gavi ត្រូវបានបដិសេធដោយតុលាការអេស្ប៉ាញនាពេលថ្មីៗនេះ។
ឥឡូវនេះគាត់ស្ថិតក្នុងកិច្ចសន្យារបស់ Juvenil ហើយមានលក្ខខណ្ឌផ្តាច់កុងត្រាចំនួន ៥០លានអឺរ៉ូ ដែលសហម្ចាស់ក្លឹបតោខៀវ Todd Boehly នឹងចំណាយដោយមិនស្ទាក់ស្ទើរ។ Gavi ក៏នឹងត្រូវក្លាយជាកីឡាករមិនមានតម្លៃខ្លួននៅរដូវក្តៅនេះ។
កីឡាករវ័យក្មេងរូបនេះគឺជាកីឡាករដ៏សំខាន់សម្រាប់ Barcelona ក្នុងរដូវកាលនេះ។ គាត់បានស៊ុតបាល់បញ្ចូលទី ២គ្រាប់ និងបញ្ជូនបាល់ចំនួន ៦ដងក្នុង ៤០ប្រកួតក្នុងការប្រកួតនានា។ ដូច្នេះការបាត់បង់រូបគេអាចជាការប៉ះទង្គិចដ៏ធំមួយសម្រាប់ក្លឹបយក្ស La Liga៕
