ខ្សែប្រយុទ្ធ Robert Lewandowski របស់ក្លឹប Barcelona បាននិយាយថា វាពិតជាអស្ចារ្យណាស់ ប្រសិនបើ Lionel Messi ត្រលប់ទៅ Spotify Camp Nou នៅរដូវកាលក្រោយ។កិច្ចសន្យារបស់ Messi ជាមួយ Paris Saint-Germain នឹងផុតកំណត់នៅរដូវក្តៅនេះ ហើយប្រភពជាច្រើនបានរាយការណ៍ថាគាត់ទំនងជាមិនចុះកុងត្រា ថ្មីទេ។ Barca បានបញ្ជាក់ថាមានការទាក់ទងជាមួយប្រធានក្រុមអាហ្សង់ទីនជុំវិញការវិលត្រឡប់ដ៏មានសក្តានុពល ខណៈដែលប្រភពខ្លះទៀតបាន និយាយថាគាត់កំពុងពិចារណាការផ្លាស់ទៅកាន់ប្រទេសអារ៉ាប៊ីសាអូឌីតដើម្បីចូលរួមជាមួយ Al Hilal ដែលជាគូប្រជែង Al Nassr របស់ Cristiano Ronaldo។Lewandowski បាននិយាយថា៖

“ប្រសិនបើគាត់ត្រលប់មក Barcelona វិញ វាពិតជាអស្ចារ្យណាស់ មិនត្រឹមតែសម្រាប់អ្នកគាំទ្រប៉ុណ្ណោះទេ ប៉ុន្តែសម្រាប់កីឡាករផងដែរ  ពីព្រោះទីនេះជាផ្ទះរបស់គាត់ គឺនៅ Barcelona។ខ្ញុំមិនដឹងថាមានរឿងអ្វីកើតឡើងទេ… ខ្ញុំសង្ឃឹមថារដូវកាលក្រោយយើងអាចលេងជាមួយគ្នា ព្រោះខ្ញុំដឹងថា Leo គឺជាកីឡាករដែលអាច បង្កើតអ្វីទាំងអស់ពីគ្មានបាន ហើយយើងពិតណាស់យើងត្រូវការកីឡាករប្រភេទនោះណាស់។”

អ្នកគាំទ្រ Barca បានបញ្ជាក់យ៉ាងច្បាស់ថាពួកគេនឹងស្វាគមន៍ការត្រលប់មកវិញរបស់ Messi ។ ពួកគេបានស្រែកឈ្មោះ Messi ក្នុងការប្រកួតក្នុងផ្ទះថ្មីៗ រួមទាំងអំឡុងពេលប្រកួតស្មើជាមួយ Girona កាលពីថ្ងៃអាទិត្យ៕

*[ESPN]