តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ SS11។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
SS11 ជាក្រុមមានមូលដ្ឋានស្ថិតនៅរាជធានីភ្នំពេញ បង្កើតឡើងបាន ២ ឆ្នាំ និងមានសមាជិក ២៣ នាក់។ តំណាងក្រុមយុវជន សី រិទ្ធិសក្តិ បានលើកឡើងយ៉ាងដូច្នោះថា៖
ខ្ញុំចង់ឲ្យយុវជនដែលសល់ពេលទំនេរពីការសិក្សា ឬការងារ ចូលរួមឆ្លៀតលេងកីឡាទាំងអស់គ្នា ហើយមិនចាំបាច់តែលក្ខណៈអាជីពទេ ការលេងធម្មតាទូទៅ ក៏អាចចូលរួមបានដែរ ដើម្បីសុខភាព រួចក៏ជាផ្នែកមួយ ក្នុងការផ្សព្វផ្សាយវិស័យបាល់ទាត់ ដោយឡែកបច្ចុប្បន្ន ក្រុមរបស់ពួកយើងក៏លេងក្នុងគោលដៅចែករំលែកបទពិសោធន៍ទៅវិញទៅមក តែឆន្ទៈទៅមុខ បើ SS11 មានលទ្ធភាព ក៏នឹងប្រលូកក្នុងកម្រិតលក្ខណៈពាក់កណ្តាលអាជីពមិនខាន។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
សូមថ្លែងអំណរគុណដល់ក្រុមហ៊ុន 2MBET ដែលបានឧបត្ថម្ភឈុតកីឡាដល់ក្រុមយើងខ្ញុំ ក៏ដូចជាចូលរួមលើកស្ទួយវិស័យកីឡាក្នុងប្រទេសកម្ពុជា៕