ខ្សែប្រយុទ្ធស្លាប Franck Ribery បានឈ្លោះគ្នាជាមួយអ្នកកាសែតបារាំងម្នាក់ឈ្មោះថា Patrick Guillou ដោយបានរុញនិងទះកំផ្លៀងថែមទៀតផង។
ក្រុម Bayern Munich បានបរាជ័យក្រោមថ្វីជើង Dortmund ២-៣ ក្នុងការប្រកួតលីគកំពូលអាល្លឺម៉ង់។ បរាជ័យនេះ បានធ្វើឱ្យ Bayern កាន់តែឆ្ងាយពីក្រុមកំពូលតារាង Dortmund មែនទែនហើយ។ ស្របពេលចប់ការប្រកួតនោះ គេសង្កេតឃើញថាមានការប៉ះទង្គិចគ្នាមួយបានកើតឡើងរវាងកីឡាករ Ribery និងអ្នកកាសែតបារាំងម្នាក់ឈ្មោះថា Guillou។
រឿងនោះបានកើតឡើង ដោយអ្នកកាសែត Guillou នោះបានបន្ទោស Ribery ថាជាអ្នកធ្វើឱ្យបរាជ័យ។ ភ្លាមនោះ កីឡាករ Bayern ខឹងយ៉ាងខ្លាំង ក៏បានរុញអ្នកកាសែតនោះ ហើយទះកំផ្លៀងថែមទៀតផង។ កើតហេតុហើយ Ribery បានប្រាប់ទៅក្រុមការងាររបស់ក្រុម Beyern ផងដែរ ដើម្បីដោះស្រាយ។
បើតាមអ្នកនាំពាក្យរបស់ក្រុមខ្លាំងនៅអាល្លឺម៉ង់ខាងលើ គឺអ្នកទាំងពីរនាក់នេះ ស្គាល់គ្នាយូរមកហើយ ទើបបានជាពួកគេហ៊ាននិយាយ និងលេងសើចដូច្នេះ។ ស្របពេលរឿងនេះ គឺភាគីទាំងសងខាង ដោះស្រាយដោយខ្លួនឯង មិនឈានដល់ខាងសហព័ន្ធអាល្លឺម៉ង់ដោះស្រាយឡើយ៕ប្រភពDailyMail