លោក Pep Guardiola បានទទួលស្គាល់ការឈ្នះ ៣-០ របស់ Manchester City ទៅលើ Bayern Munich គឺពិតជាលទ្ធផលល្អណាស់ ប៉ុន្តែបានសង្កត់ធ្ងន់ថាការងារមិនទាន់រួចរាល់នៅឡើយទេ។
គ្រាប់បាល់របស់ Rodri, Bernardo Silva និង Erling Haaland បានធ្វើឲ្យក្រុម Bayern របស់ Thomas Tuchel ស្ថិតក្នុងស្ថានភាពអស់សង្ឃឹមមុនការប្រកួតជើងទីពីរ។
លោក Guardiola ដែលជាអតីតគ្រូបង្វឹកក្រុម Bayern បានធ្វើការសរសើរដល់ក្រុមយក្ស Bundesliga ដែលមានទម្រង់លេងល្អបំផុតរបស់ពួកគេនៅដើមតង់ទី២ ប៉ុន្តែទីបំផុតត្រូវបានក្រុម City របស់លោកបំបាក់។ គាត់បានអំពាវនាវឱ្យ City បញ្ចប់ការងារដោយការឈ្នះនៅទីក្រុងមូនិច។
លោក Guardiola បានប្រាប់ BT Sport ថា៖
“ពិតណាស់ នៅពេលដែលអ្នកធ្លាប់នៅទីនោះ អ្នកដឹងថាពួកគេល្អប៉ុណ្ណាក្នុងនាមជាក្រុម [Bayern Munich]។ ក្នុងអំឡុង ៥៥, ៦០នាទី វាគឺជាការប្រកួតដ៏តឹងតែង ហើយភាគច្រើន ពួកគេល្អជាងយើង”។
*[FotMob]