Real Madrid ​បន្ដ​ឈ្នះ​ទៀត ​ធ្វើ​​ឱ្យ​តារាង La Liga ​ប្រដេញ​ពិន្ទុ​គ្នា​ខ្លាំង

ក្រុម Real Madrid ​បាន​បន្ដ​ភាព​ខ្លាំង​របស់​ខ្លួន​ទៀត​ហើយ​នៅ La Liga ​ដោយ​បាន​យក​ឈ្នះ​លើ​ក្រុម Celta Vigo ​ក្នុង​លទ្ធផល ៤ -២។

Karim Benzema ​ជា​ខ្សែ​ប្រយុទ្ធ​មុត​ស្រួច​របស់​ក្រុម Real Madrid ​នា​ពេល​បច្ចុប្បន្ន។ ជាក់​ស្ដែង​ដូច​ការ​ប្រកួត​យប់មិញ​នេះ ​រូបគេ​បាន​ដើរ​តួ​យ៉ាង​សំខាន់ ដើម្បី​ស្វែង​រក​គ្រាប់​បាល់​ឱ្យ​ក្រុម។ ដោយ​ឡែក ​ឈ្នះ​យប់មិញ​នេះ​ទៀត បាន​ធ្វើ​ឱ្យ​លោក Santiago Solari ​ដឹក​នាំ​ឈ្នះ​៤​ប្រកួត​ជាប់​គ្នា​ទៅ​ហើយ ​ក្រោយ​ពី​ទទួល​បាន​តំណែង​ដឹក​នាំ​ក្រុម​បណ្ដោះអាសន្ន ​ពី​លោក Julen ​ទៅ។

ដូច្នេះ​ហើយ ​ក្រុម​ទទួល​បាន​លទ្ធផល​ល្អ​នេះ ​អាច​នឹង​ធ្វើ​ឱ្យ​ប្រធាន​ក្លឹប​យក​លោក Solari ​ដឹក​នាំ​ក្រុម​តែ​ម្ដង ដោយ​មិន​ចាំ​បាច់​រក​អ្នក​ចាត់ការ​ណា​មក​ជំនួស​ទៀត​ទេ។ ដោយ​ឡែក​ការ​ប្រជែង​លីគ​វិញ ​បច្ចុប្បន្ន​ក្រុម Real Madrid ​កំពុង​ឈរ​នៅ​ចំណាត់​ថ្នាក់​លេខ​៦ ​មាន​២០​ពិន្ទុ ​ស្រប​ពេល​ក្រុម​កំពូល​តារាង FC Barcelona ​វិញ​មាន​២៤​ពិន្ទុ លើស​តែ​៤​ពិន្ទុ​ប៉ុណ្ណោះ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT