Barcelona ត្រូវបានក្រុម Real Madrid បំបាក់ក្នុងលទ្ធផល ៤-០ ក្នុងការប្រកួតជើងទីពីរនៃពានរង្វាន់ Copa del Rey វគ្គពាក់កណ្តាលផ្តាច់ព្រ័ត្រដែល មានន័យថាក្រុម Barcelona នៅសល់តែពាន La Liga ប៉ុណ្ណោះដែលត្រូវលេង។ពួកគេមាន ១២ពិន្ទុច្បាស់រួចទៅហើយនៅលើកំពូលតារាងមុនចុងសប្តាហ៍នេះ ហើយការចាញ់ដ៏គួរឱ្យភ្ញាក់ផ្អើលរបស់ Madrid ក្នុងលទ្ធផល ៣-២ ក្នុង ផ្ទះខ្លួនឯងក្រោមស្នាដៃក្រុម Villarreal កាលពីថ្ងៃសៅរ៍ផ្តល់ឱកាសឱ្យ Barca បង្កើនគម្លាតពិន្ទុថែមទៀត។ទំនងជាគ្មានក្រុមណាអាចតាមទាន់ពិន្ទុរបស់ Barcelona​ នោះទេ ដូច្នេះជើងឯក La Liga មើលទៅ Barcelona មានសុវត្ថិភាពខ្លាំងណាស់។

ប៉ុន្តែ Xavi ចាត់ទុកគម្លាតពិន្ទុនេះមិនទាន់មានសុវត្ថិភាពនោះទេ ដោយត្រង់ៗនៅក្នុងសន្និសីទសារព័ត៌មានមុនប៉ះ Girona ថា៖

“ជើងឯក La Liga នឹងមិនត្រូវបានចាត់ទុកថាឈ្នះនោះទេ វានៅតែនៅសល់ ១០ប្រកួតទៀត។ នៅពេលដែលយើងឈ្នះពានលីគ យើងនឹង អបអរវា យើងត្រូវឈ្នះវា។ ការប្រកួតនៅថ្ងៃស្អែកគឺជាការសាកល្បងដ៏ល្អសម្រាប់ពួកយើងបន្ទាប់ពីការធ្លាក់ចេញពី Copa del Rey។យើងពឹងផ្អែកលើខ្លួនយើង។ ១៥ពិន្ទុជាគម្លាតដ៏អស្ចារ្យមួយ។ វានឹងមិនរួចរាល់ទាំងអស់នោះទេ ប៉ុន្តែវានឹងជាភាពខុសគ្នាដ៏ធំមួយ ហើយការឈ្នះក្នុងលីគនឹងអស្ចារ្យ”៕

*[Fotmob]