អតីតគ្រូបង្វឹក Manchester United លោក Ole Gunnar Solskjaer ស្ថិតក្នុងចំណោមបេក្ខភាពរបស់ក្លឹប Club Brugge ដើម្បីជំនួសកន្លែង Scott Parker។អ្នកចាត់ការសញ្ជាតិន័រវេសរូបនេះបានឈប់ធ្វើការចាប់តាំងពីចាកចេញពីបិសាចក្រហមក្នុងខែវិច្ឆិកា ឆ្នាំ២០២១។ ឱកាសចុងក្រោយរបស់ Solskjaer ក្នុងការវិលត្រឡប់មកកាន់ការដឹកនាំក្រុមវិញអាចនឹងមកក្លឹប Brugge ដែលកំពុងស្វែងរកអ្នកចាត់ការអចិន្ត្រៃយ៍ថ្មីបន្ទាប់ពីបណ្តេញលោក Parker កាលពីខែមុន។

ក្រុមបែលហ្ស៊ិកបានឈានដល់វគ្គ ១៦ក្រុមចុងក្រោយនៃ UEFA Champions League រដូវកាលនេះ ប៉ុន្តែត្រូវបានក្រុម Benfica ទម្លាក់ចេញ។ឥឡូវនេះវា ត្រូវបានគេរាយការណ៍យ៉ាងទូលំទូលាយនៅទូទាំងទ្វីបអឺរ៉ុបថា Brugge អាចងាកទៅរក Solskjaer ទោះបីជាគាត់មិនមែនជាជម្រើសដំបូងរបស់ពួកគេ សម្រាប់តួនាទីនេះក៏ដោយ។

Man United បានជាប់ចំណាត់ថ្នាក់កំពូលទាំងបួនជាប់ៗគ្នាក្នុងរដូវកាលចំនួនពីររបស់ Solskjaer ដែលបានបញ្ចប់ក្នុងចំណាត់ថ្នាក់លេខ ២ក្នុងឆ្នាំ ២០២០/២១ ហើយថែមទាំងបានឈានដល់វគ្គផ្តាច់ព្រ័ត្រនៃ UEFA Europa League ក្នុងឆ្នាំ២០២១ ដោយចាញ់ Villarreal ដោយបាល់ប៉េណាល់ទី៕

*[FotMob]