លោក Pep Guardiola បានឆ្លើយតបយ៉ាងអស្ចារ្យ នៅពេលដែលគាត់ត្រូវបានសួរថាហេតុអ្វីបានជាគាត់មិនដែលត្រូវបានបណ្តេញចេញក្នុងអំឡុងពេល អាជីពជាអ្នកចាត់ការទូទៅរបស់គាត់។
លើកឡើងពីការបាត់បង់ការងាររបស់អ្នកចាត់ការជាច្រើន ជាពិសេសនៅក្នុងក្របខ័ណ្ឌកំពូលរបស់ប្រទេសអង់គ្លេសនៅរដូវកាលនេះ ដូចជាលោក Antonio Conte, Graham Potter និង Brendan Rodgers ថ្មីៗនេះ Pep ត្រូវបានគេចោទសួរពីបញ្ហានេះ។
មុនពេលដែល Man City ធ្វើដំណើរទៅកាន់កីឡដ្ឋាន St Mary’s Stadium លោក Guardiola ត្រូវបានគេសួរថា ហេតុអ្វីបានជាគាត់មិនដែលត្រូវបានគេបញ្ចប់តំណែងក្នុងនាមជាអ្នកចាត់ការទូទៅ។
គាត់បានឆ្លើយថា៖
“ខ្ញុំនឹងប្រាប់អ្នកពីអាថ៌កំបាំងមួយ យើងឈ្នះការប្រកួត។ ប្រសិនបើយើងមិនឈ្នះការប្រកួតទេ ខ្ញុំនឹងត្រូវបញ្ចប់តំណែង”។
គាត់បានបន្ថែមថា៖
“មិនមែនដោយសារតែសក់របស់ខ្ញុំស្អាតជាងអ្នកដ៏ទៃ ទើបខ្ញុំមិនត្រូវគេបណ្តេញចេញនោះទេ មកពីយើងឈ្នះការប្រកួតជាច្រើន”។
លោក Guardiola បានបន្តដោយលើកឡើងថា ការវិនិយោគដ៏ធំសម្បើមទៅក្នុងក្លឹបអាចជាកត្តានៅពីក្រោយការបណ្តេញចេញយ៉ាងសាហាវឃោរឃៅ។
លោកបានបន្តថា៖
“នៅប្រទេសនេះកាលខ្ញុំនៅក្មេង វាតែងតែមានទម្លាប់រក្សាអ្នកគ្រប់គ្រង។ អ្វីដែលកើតឡើងនៅថ្ងៃនេះជាមួយនឹងសម្ពាធជាច្រើនសម្រាប់ មនុស្សគ្រប់គ្នា ការវិនិយោគច្រើន ខ្ញុំយល់ថាមានសម្ពាធច្រើន។ ពេលខ្លះវាដំណើរការ ពេលខ្លះវាមិនដំណើរការ។ វាគឺបែបនេះ អ្នកត្រូវតែ សម្រប្ើខ្លួន”៕