Liverpool ត្រូវ​បាន​សមាគម​បាល់ទាត់​ចោទ​ប្រកាន់​ពី​បទ​មិន​គ្រប់​គ្រង​កីឡាករ​របស់​ខ្លួន​អំឡុង​ពេល​ពួក​គេ​ចាញ់ Manchester City ៤-១ កាល​ពី​ថ្ងៃ​សៅរ៍។ការបរាជ័យនេះគឺជាពេលវេលាដ៏ខកចិត្តមួយផ្សេងទៀតនៅក្នុងរដូវកាលដ៏លំបាកសម្រាប់ក្រុមហង្សក្រហម ខណៈដែលក្រុមរបស់លោក Jurgen Klopp ឥឡូវនេះមាន ១០ពិន្ទុពីក្រុមកំពូលទាំងបួននៅក្នុងក្របខ័ណ្ឌ Premier League។

ពួកគេបាននាំមុខមុនតាមរយៈកីឡាករ Mohamed Salah ប៉ុន្តែ Julian Alvarez បានតាមស្មើសម្រាប់ក្រុមម្ចាស់ផ្ទះ City មុនពេលពាក់កណ្តាលតង់។

Kevin De Bruyne និង Ilkay Gundogan បានជួយឱ្យក្រុមរបស់លោក Pep Guardiola នាំមុខក្នុងលទ្ធផល ៣-១ នៅនាទីទី៥៣ បន្ទាប់ពីសម្រាក មុនពេលគ្រាប់បាល់របស់ Jack Grealish នៅនាទីទី៧៣ បានបិទបញ្ចប់ជ័យជម្នះ។កំហឹងបានផ្ទុះឡើងសម្រាប់ក្រុមហង្សក្រហមនៅពេលដែលខ្សែបម្រើ Rodri របស់ Man City គេចចេញពីកាត លឿងទីពីរក្នុងអំឡុងពេលតង់ទីពីរ។ កីឡាករ Liverpool ជាច្រើននាក់ រួមទាំងប្រធានក្រុម Jordan Henderson បានឡោមព័ទ្ធអាជ្ញាកណ្តាល Simon Hooper។

នៅក្នុងសេចក្តីថ្លែងការណ៍មួយ FA បានសរសេរថា៖

“Liverpool FC ត្រូវបានចោទប្រកាន់ បន្ទាប់ពីកីឡាកររបស់ខ្លួនបានឡោមព័ទ្ធមន្ត្រីការប្រកួតក្នុងនាទីទី៣៤ នៃការប្រកួត Premier League របស់ពួកគេជាមួយនឹងក្រុម Manchester City នៅថ្ងៃសៅរ៍ ទី១ ខែមេសា។

វាត្រូវបានចោទប្រកាន់ថា Liverpool FC បរាជ័យក្នុងការធានាថាកីឡាកររបស់ខ្លួនបានប្រព្រឹត្តខ្លួនប្រកបដោយសណ្តាប់ធ្នាប់ និង/ឬមិនប្រព្រឹត្តតាមរបៀបដែលមិនសមរម្យ ហើយក្លឹបមានពេលរហូតដល់ថ្ងៃពុធ ១២ មេសា ដើម្បីឆ្លើយតប”៕

*[Sportbible]