Xavi មានការខកចិត្តចំពោះការបរាជ័យរបស់ Barcelona បន្ទាប់ពីពួកគេត្រូវបានក្រុមគូប្រជែង Real Madrid យកឈ្នះ ៤-០ នៅ Camp Nou ដោយបានធ្លាក់ចេញពីពានរង្វាន់ Copa del Rey វគ្គពាក់កណ្តាលផ្តាច់ព្រ័ត្រដោយលទ្ធផលសរុប៤-១។
Vinicius និង Benzema បានទម្លាក់ម្ចាស់ជើងឯក ៣១សម័យកាល Copa del Rey ចេញ ហើយបានធ្វើឱ្យក្រុមរបស់លោក Carlo Ancelotti ឡើងទៅកាន់វគ្គផ្តាច់ព្រ័ត្រជាមួយនឹង Osasuna នៅថ្ងៃទី៦ ខែឧសភា។
Xavi បានប្រាប់ Movistar+ ថា ក្រោយចប់ការប្រកួតថា៖
“វាជាយប់ដ៏លំបាកមួយ។ អ្នកត្រូវតែប្រកួតប្រជែងឱ្យកាន់តែប្រសើរឡើង។ យើងបានប្រកួតប្រជែងយ៉ាងល្អរហូតដល់ ១-០។ នៅពេលដែលបាល់ទាត់មានភាពស្មើគ្នា អ្នកត្រូវតែទាញយកប្រយោជន៍ពីពេលវេលា។ យើងមិនបានធ្វើវានៅតង់ទីមួយ ហើយពួកគេបានធ្វើវានៅតង់ទីពីរ។ ពួកគេពូកែជាង គ្មានលេសអ្វីទេ។
យើងមិនអាចប្រកែកបានទេថាពួកគេជាក្រុមដ៏អស្ចារ្យ។ ពួកគេគឺជាជើងឯក LaLiga និង Champions League ហើយពួកគេមិនលើកលែងឲ្យយើងទេ។
នៅពេលដែលអ្នកមិនសម្លាប់ Madrid ពួកគេនឹងសម្លាប់អ្នក”៕
