អ្នកចាត់ការក្លឹប Barcelona លោក Xavi បានដាស់តឿនកូនក្រុមរបស់គាត់ថា ពួកគេត្រូវតែត្រៀមខ្លួនប្រឈមមុខនឹងក្រុម Real Madrid ដែលនឹងត្រូវសងសឹកក្នុងជើងទីពីរនៃការប្រកួត Copa del Rey វគ្គពាក់កណ្តាលផ្តាច់ព្រ័ត្ររបស់ពួកគេនៅថ្ងៃពុធ។
Barcelona នាំមុខ ១-០ ជើងទីមួយ ដោយបានឈ្នះការប្រកួត El Clasico ជាលើកទីបីជាប់ៗគ្នា បើទោះបីជាទម្រង់លេងរបស់ពួកគេមិនគួរឱ្យជឿជាក់ខ្លាំងពេកក៏ដោយ ហើយ Xavi បានទទួលស្គាល់រួចហើយថាទម្រង់លេងស្រដៀងគ្នានឹងមិនអាចទទួលយកមកប្រើបានទេនៅពេលនេះ។
ថ្វីបើកត្តាទីតាំងមានប្រៀបក៏ដោយ Xavi បានដាស់តឿនកូនក្រុម Barcelona ថាពួកគេមិនមែនជាក្រុមដែលមានប្រៀបជាងក្នុងការប្រកួតជើងពីរទល់នឹងក្រុម Real ជាមួយនឹងកេរ្តិ៍ឈ្មោះដ៏កាចសាហាវនៅក្នុងការប្រកួតវគ្គចាញ់ធ្លាក់នោះទេ។
Xavi បាននិយាយថា៖
“គោលដៅរបស់យើង ក៏ដូចជាឧទាហរណ៍ដែលត្រូវធ្វើតាមនោះគឺ Super Cup និង Clasico នៅក្នុងលីគនៅក្នុងដី។ ប៉ុន្តែ Madrid គឺជាជើងឯកលីគ និងអឺរ៉ុប។ យើងនឹងព្យាយាមគ្រប់គ្រង ប៉ុន្តែវានឹងមិនងាយស្រួលទេ។ ០-១ ជាលទ្ធផលល្អណាស់រហូតមកដល់ពេលនេះ។
ខ្ញុំមានអារម្មណ៍ថា ពេលដល់វេនយើងលេងពីរជើងជាមួយ Real Madrid វាពិបាកណាស់។ តើមានរយៈពេលប៉ុន្មានហើយដែលពួកគេចាញ់នៅជើងពីរ? នោះហើយជាមូលហេតុដែលខ្ញុំនៅតែគិតថាពួកគេមានប្រៀបជាង បើទោះជាពួកគេមានសម្ពាធដោយលទ្ធផល ០-១ នៅជើងទីមួយ។
ពួកគេអាចវាយបកអ្នកយ៉ាងល្អឥតខ្ចោះ។ ពួកគេនៅតែជាមានប្រៀបជាង។ ពួកគេកាន់តែស៊ាំនឹងការប្រកួតបែបនេះ ហើយពួកគេធ្លាប់អស់ហើយរឿងវាយបកនេះ។ សម្រាប់ខ្ញុំពួកគេនៅតែមានប្រៀបជាងយើងដដែល”៕
*[FotMob]