ខ្សែការពារ Matthijs de Ligt របស់ Bayern Munich មានការភ្ញាក់ផ្អើលចំពោះការសម្រេចចិត្តរបស់ក្លឹបក្នុងការចែកផ្លូវជាមួយគ្រូបង្វឹក Julian Nagelsmann ហើយនិយាយថាវាពិបាកទទួលយកណាស់។ក្រុមយក្សអាល្លឺម៉ង Bayern Munich បានបញ្ចប់តំណែងរយៈពេលដ៏ខ្លី ២០ខែរបស់ Nagelsmann កាលពីថ្ងៃសុក្រ ហើយបានតែងតាំង Thomas Tuchel យ៉ាងឆាប់រហ័សជាអ្នកស្នងតំណែងរបស់គាត់។

គ្រប់គ្នាហាក់មានការភ្ញាក់ផ្អើល ខណៈដែលក្លឹបកំពុងតែស្ថិតក្នុងការប្រជែងពានធំៗបី។ De Ligt ដែលបានចាកចេញទៅបំពេញកាតព្វកិច្ចអន្តរជាតិជាមួយហូឡង់ ដែលមិនបានដឹងមុនពីការបញ្ចប់តំណែងលោក Nagelsmann បានចេញមកបង្ហាញអារម្មណ៍ផ្ទាល់ខ្លួន។គាត់បានប្រាប់ទូរទស្សន៍ហូឡង់ NOS ថា៖

“ខ្ញុំភ្ញាក់ផ្អើល។ យើង​ជា​ក្រុម​លេខ​២​ក្នុង​លីគ និង​ក្នុង​វគ្គ​៨​ក្រុម​ចុង​ក្រោយ​នៃ​ពាន​រង្វាន់ Champions League។ យើង​នៅ​តែ​លេង​ដើម្បីឈ្នះ​គ្រប់​យ៉ាង។ អ្នក​ដែល​ទទួល​បន្ទុក ជាអ្នក​សម្រេច​ចិត្ត​ថា​នរណា​ជា​គ្រូ​បង្វឹក ប៉ុន្តែ​វា​ជា​ការ​សម្រេច​ចិត្ត​ដ៏​ពិបាក​ដែល​ពិបាក​នឹង​ទទូលយក។ ប៉ុន្តែ​ខ្ញុំ​ក៏​ជឿ​ថា Tuchel ជា​គ្រូ​បង្វឹក​ដែល​ស័ក្តិសម​នឹងពួក​យើង”៕

*[FotMob]