លោក Luis Enrique អតីតគ្រូបង្វឹក FC Barcelona និងជម្រើសជាតិអេស្ប៉ាញ បានបង្ហើបពីគម្រោងក្នុងការទៅដឹកនាំក្រុមនៅ Premier League ហើយ។
Enrique បានចាកចេញពីក្រុមជម្រើសជាតិអេស្ប៉ាញ ក្រោយពីពួកគេធ្លាក់ចេញពីពានរង្វាន់ FIFA World Cup 2022 ចុងឆ្នាំ២០២២នេះ។ រហូតមកដល់ពេលនេះ លោកនៅមិនទាន់សម្រេចចិត្តទៅដឹកនាំក្រុមនៅទីណានោះទេ ដោយអាចនឹងរង់ចាំឱកាសល្អក្នុងការដឹកនាំក្រុមនៅ English Premier League តែម្ដង អាចនឹងរដូវកាលថ្មីខាងមុខ។
បុរសវ័យ៥២ឆ្នាំបាននិយាយថា៖ “ខ្ញុំបានតាមដានគ្រប់ក្រុមនៅ Premier League ព្រោះខ្ញុំចង់ទៅអង់គ្លេសដើម្បីធ្វើការនៅទីនោះ។ ខ្ញុំមិនទាន់សម្រេចថានឹងទៅណាទេ ប៉ុន្តែរឿងមួយដែលខ្ញុំប្រាកដនោះគឺអាចធ្វើរឿងសំខាន់បាន”។ មកដល់ពេលនេះ នៅអង់គ្លេសក្លឹប Spurs កំពុងស្វែងរកអ្នកចាត់ការថ្មីស្រាប់ ហើយពួកគេក៏បានដាក់លោក Enrique នេះជាបេក្ខភាពម្នាក់ដែលចង់បានមកដឹកនាំក្រុមបន្ដផងដែរ៕