លោក Niko Kovac អ្នកចាត់ការក្រុម Bayern Munich បាននិយាយថាការបរាជ័យ ៣-២ ក្រោមថ្វីជើង Dortmund គឺជាការប្រកួតជក់ចិត្តមួយដែលអ្នកគាំទ្រគ្រប់គ្នាចង់ទស្សនា។Robert Lewandowski ជាអ្នករកគ្រាប់បាល់នាំមុខឱ្យ Bayern Munich មុន ប៉ុន្តែត្រូវបាន Marco Reus រកគ្រាប់បាល់ឱ្យ Dortmund តាមស្មើវិញបាន។ យ៉ាងណាមិញ ក្រោយពីស្មើគ្នាហើយ Lewandowski ដដែល បានរកគ្រាប់បាល់នាំមុខជាថ្មីម្ដងទៀត ធ្វើឱ្យអ្នកគាំទ្រសប្បាយចិត្តជាខ្លាំង។
នាំមុខនេះមែន តែលទ្ធផលនេះមិនអាចរក្សាដល់ចប់ការប្រកួតឡើយ ដោយ Marco Reus ដដែល ជាអ្នករកគ្រាប់បាល់តាមស្មើបានទៀត មុនពេល Paco Alcacer ស៊ុតថែម១គ្រាប់ ជាគ្រាប់ជ័យជម្នះតែម្ដង។ការប្រកួតដែលមានដល់៥គ្រាប់នេះដែរ បានធ្វើឱ្យ Kovac អ្នកចាត់ការក្រុម Bayern Munich និយាយថាជាការប្រកួរតដ៏ល្អ។ ក្រុមរបស់លោក លេងយ៉ាងអស់ពីខ្លួន ។
ប៉ុន្តែសោកស្ដាយលទ្ធផលមិនដូចអ្វីដែលចង់បាន។ នេះជាបាល់ទាត់ ដូច្នេះលទ្ធផលយ៉ាងណា ក្រុមទាំងសងខាងត្រូវទទួលយក ព្រោះជាលទ្ធផលចេញពីការប្រកួតមួយដែលល្អមើលបំផុត៕ប្រភព៖ Goal
